टोकियोत सुरू असलेल्या पॅरालिम्पिकमध्ये डिस्कस थ्रोमध्ये कांस्य पदक जिंकणारे भारतीय खेळाडू विनोद कुमार यांचं पदक काढून घेतलं जाणार आहे.
डिस्कस थ्रो स्पर्धेत शारीरिक अक्षमता (डिसॅबिलिटी) निर्धारण चौकशीत विनोद कुणार 'अयोग्य' आढळले.
भारतीय क्रीडा प्राधिकरण (SAI) ने सांगितलं होतं की, 19.91 मीटर डिस्कस फेकून विनोद कुमार यांनी आशियात नवीन विक्रमाची नोंद केलीय.
टोकियो पॅरालिम्पिकमध्ये भारताच्या अवनी लेखराने 'सुवर्ण' कामगिरी केली आहे. 10 मीटर्स एअर रायफलमध्ये अवनीने सुवर्ण पदक जिंकत इतिहास रचला आहे.
19 वर्षीय अवनी प्ररालिम्पिकमध्ये सुवर्ण पदक मिळवणारी पहिली भारतीय महिला आहे. अवनीने संयम राखत 249.6 पॉईंटसह विश्व विक्रमाची बरोबरी केली आणि पदकही जिंकलं आहे.