Korea Open: उपांत्य फेरीत पराभूत झाल्यानंतर सिंधू आणि श्रीकांत स्पर्धेच्या बाहेर

कोरिया ओपनमधील भारतीय खेळाडूंचा प्रवास संपला आहे. पहिल्याच दिवशी पीव्ही सिंधू, किदाम्बी श्रीकांत आणि एन सिक्की-अश्विनी पोनप्पा ही जोडी गमावल्याने भारताच्या आशा संपुष्टात आल्या. शनिवारी सलग तीन सामने भारतासाठी निराशाजनक ठरले आहेत. भारतीय बॅडमिंटनपटू पीव्ही सिंधू आणि श्रीकांत यांचा उपांत्य फेरीत पराभव झाला. त्याचवेळी एन सिक्की आणि अश्विनी पोनप्पा या जोडीलाही सामना गमवावा लागला. मालविका बनसोड आणि लक्ष्य सेन याआधीच स्पर्धेतून बाहेर पडले होते. 

किदाम्बी श्रीकांतला किस्टीविरुद्ध सरळ सेटमध्ये पराभव स्वीकारावा लागला. पहिल्या सेटमध्ये त्यांनी चुरशीची लढत दिली, पण शेवटी 21-19 अशा फरकाने त्यांचा पराभव झाला. दुसऱ्या सेटमध्येही दोन्ही खेळाडूंनी चांगली झुंज दिली, मात्र श्रीकांत पलटवार करू शकला नाही आणि 21-16 अशा फरकाने सेट गमावला. यासह तो सामनाही हरला. 

दुसऱ्या मानांकित एन सेयुंगविरुद्धच्या सामन्यात सिंधू कधीही लयीत दिसली नाही आणि तिला सरळ सेटमध्ये पराभवाला सामोरे जावे लागले.भारतीय जोडीचा 19-21, 17-21 असा पराभव झाला. कोरियाच्या खेळाडूने सलग दुसरा सेट जिंकून सामना जिंकला.