नाशिकच्या मोनिका आथरेने आपला फॉर्म कायम ठेवत अर्ध मॅरेथॉनमध्ये अव्वल स्थान मिळवले. आता आपले लक्ष्य हे जागतिक अजिंक्यपद स्पर्धेसाठी पात्रता मिळवण्याकडे असल्याचे मोनिका बोलतान म्हणाली.
नोव्हेंबर ते डिसेंबर या काळवधीमध्ये मी पाच अर्ध मॅरेथॉन सहभाग नोंदवला. तर, 2017 मधील ही माझी पहिलीच मॅरेथॉन आहे. माझे लक्ष्य हे दिल्ली मॅरेथॉन स्पर्धेकडे आहे. तिथे 42 किमी स्पर्धेत सहभाग नोंदवत लंडन येथे होणार्‍या जागतिक अजिंक्यपद स्पर्धेसाठी पात्रता मिळवण्याचा माझा प्रयत्न असणार आहे. जागतिक अजिंक्यपद स्पर्धेमध्ये सहभाग नोदंवण्या करता पात्रता वेळ ही 2 तास 45 मिनिटे आहे.