सर्बियाचा विख्यात टेनिसपटू नोवाक जोकोविचने ऑस्ट्रेलिन ओपन ग्रँडस्लॅम स्पर्धेचे विजेतेपद पटकावले आहे. अंतिम फेरीत त्याने ऑस्ट्रिलायाच्या डॉमिनिक थिएमर 6-4, 4-6, 2-6, 6-3, 6-4 अशा पाच सेट्‌समध्ये विजय मिळवला. ऑस्ट्रेलियन ओपन स्पर्धेचे जोकोविचचे हे आठवे विजेतेपद ठरले आहे. त्याचबरोबर गतविजेत जोकोविचने आपले जेतेपद स्वतःकडेच कायम राखले आहे.
जोकोविचने तीन तास व 59 मिनिटे चाललेल्या या सामन्यात विजय मिळवला. 32 वर्षीय जोकोविचचे हे 17 वे ग्रँडस्लॅम विजेतेपद ठरले. रॉजर फेडररच्या 20 ग्रँडस्लॅम विजेतेपदांशी बरोबरी करण्यासाठी त्याला केवळ 3 विजेतेपदांची गरज आहे. थिएमचा ग्रँडस्लॅमधला हा तिसरा अंतिम सामना होता व तिसर्‍यातही त्याल पराभवाचा सामना करावा लागला. तो यापूर्वी 2018 व 2019 मध्ये फ्रेंच ओपनच्या अंतिम फेरीत पोहोचला होता व दोन्ही वेळेला त्याला उपविजेतेपदावर समाधान मानावे लागले होते. तर जोकोविचने यापूर्वी 2008,2011, 2012, 2013, 2015, 2016, 2019 मध्ये हा किताब जिंकला आहे.
अंतिम सामन्यात पहिला सेट जोकोविचने आपल्या नावाला साजेल अशा पध्दतीने खिशात घातला. त्यानंतर दुसर्‍या सेटमध्ये थिएमने केलेला खेळ हा कौतुकास्पद होता. जोकोविचवर पूर्णपणे सरशी मिळवत थिएमने सलग दोन सेट जिंकत सामन्यात आघाडी घेतली. चौथ्या सेटमध्ये जोकोविचने दमदार पुनरागन करत सामन्यात बरोबरी साधली. अखेरच्या सेटमध्येही दोन्ही खेळाडूंमध्ये चांगलीच झुंज रंगली होती. थिएमने आपल्या ठेवणीतल काही खास फटक्यांच्या जोरावर जोकोविचला चांगलेच सताविले. मात्र, सरतेशेवटी जोकोविचने आपला सर्व अनुभव पणाला लावत विजेतेपदावर आपली मोहर उमटवली.