लंडन- प्रीमियर लीग स्पर्धेत चेल्सीविरूद्ध साखळी सामान्यात गंभीर दुखापत झालेल्या रियान मॅसॉनची प्रकृती यशस्वी शस्त्रक्रियेनंतर आता स्थिर असल्याचे सेंट मेरीज इस्पितळ व्यवस्थापनाने जाहीर केले.
हल सिटीच्या या मिडफिल्डरला चेल्सीच्या गॅरी काहिलाची जोरदार धडक बसल्याने डोक्याला मोठी दुखापत झाली होती. या गंभीर दुखापतीमुळे प्राणवायूचा पुरवठा सुरू करत स्ट्रेचरवरुन त्याला हॉस्पिटलमध्ये हलवण्यात आले. मात्र, आता त्याची प्रकृती सुधारत आहे. या गंभीर घटनेनंतर दोन्ही क्लबच्या वैदकीय पथकाने त्यांच्याकडे धाव घेत उपचार सुरू केले. पण, मॅसॉनच्या दुखापतीविषयी गंभीर स्थिती होती. पुढे सेंट मेरीज हॉस्पिटलमध्ये त्याच्यावर शस्त्रक्रिया केली गेली आणि सध्या त्याची तब्येत सुधारत असून पुढील काही दिवस त्याला तेथेच राहवे लागेल, असे संकेत आहेत.