या फलंदाजाने सचिन तेंडुलकरचा 33 वर्ष जुना विक्रम मोडून इतिहास रचला

दुलीप करंडक स्पर्धेला 5 सप्टेंबरपासून सुरुवात झाली असून यामध्ये 4 संघ सहभागी होत आहेत. दुलीप ट्रॉफीच्या पहिल्या सामन्यात भारत-अ आणि इंडिया-ब यांच्यात सामना खेळला जात आहे, ज्यामध्ये पहिल्या दिवशी भारतीय क्रिकेट संघातील सलामीवीर यशस्वी जैस्वाल,ऋषभ पंत, सरफराज खान आणि वॉशिंग्टन सुंदर या खेळाडूंनी बाजी मारली.या खेळाडूंच्या नेतृत्वाखाली 19 वर्षीय फलंदाजाने धावा काढल्या आणि पहिल्याच दिवशी शानदार शतक झळकावून विक्रम केला. हा खेळाडू सरफराज खानचा धाकटा भाऊ मुशीर खान आहे. ज्याने दुलीप ट्रॉफी मध्ये पदार्पण करून शतक झळकावून मोठा पराक्रम केला. 

पहिल्या दिवशीचा खेळ संपल्यावर मुशीर खान ने 227 चेंडूत नाबाद 105 धावा करून परतला त्याच्या संघाची धावसंख्या 7 गड्यांच्या मोबदल्यात 202 झाली. दुसऱ्यादिवशी त्याने 8 व्या विकेटसाठी 204 धावांची भागीदारी केली आणि धावसंख्या 150 च्या पुढे नेली . या सामन्यात त्याने द्विशतक करण्यापूर्वीच कुलदीप यादवकडून तो बाद झाला. 

दुलीप ट्रॉफीच्या पदार्पणाच्या सामन्यात मुशीरला द्विशतक झळकावता आले नसले तरी त्याने 181 धावांच्या खेळीने सचिन तेंडुलकरचा 33 वर्षांचा विक्रम मोडला. मुशीरने 373 चेंडूंचा सामना केला आणि त्याच्या डावात 16 चौकार आणि 5 षटकार मारले आणि दुलीप करंडक पदार्पणाच्या सामन्यात किशोरवयीन (20 वर्षाखालील) तिसऱ्या क्रमांकाचा सर्वाधिक धावा करणारा खेळाडू ठरला. यापूर्वी हा विक्रम सचिन तेंडुलकरच्या नावावर होता, ज्याने जानेवारी 1991 मध्ये दुलीप ट्रॉफीच्या पदार्पणाच्या सामन्यात 159 धावा केल्या होत्या. आता मुशीरने सचिन तेंडुलकरला चौथ्या क्रमांकावर केले आहे.

विक्रम बाबा पहिल्या स्थानावर आहे, यश घुल दुसऱ्या स्थानावर आहे, तिसऱ्या स्थानावर मुशीर खान आहे तर चवथ्या स्थानावर आता सचिन तेंडुलकर आहे. 

Edited by - Priya Dixit