कझाकिस्तानची 18 वर्षीय खेळाडू सबीना अलतिनबेकोवा सध्या खूप चर्चेत आहे. तसं पाहिलं तर सबीना एक व्हॉलिबॉल खेळाडू आहे. पण, सध्या चर्चा सुरू आहेत त्या सबीनाच्या व्हॉलिबॉलच्या नव्हेत तर तिच्या मादक सौंदर्याच्या.. सबीना कझाकिस्तानच्या अंडर 19 व्हॉलिबॉल टीमची खेळाडू आहे. लहानपणापासूनच सबीनाला व्हॉलिबॉलचं वेड लागलंय. आतापर्यंत तिनं अनेक टूर्नामेंटमध्ये सहभाग नोंदवलाय.
सबीना जिथंही जाते तिथं तिच्या खेळापेक्षा सौंदर्याच्याच चर्चा जास्त होतात. नुकतीच, ती अंडर 19 व्हॉलिबॉल टूर्नामेंट खेळण्यासाठी तैवानची राजधानी तेपीला गेली होती. तेव्हा तिथं बसणार्‍यांच्या नजरा सबीनावरून हलल्या नव्हत्या. ते एकटक सबीनालाच पाहत बसले होते. सबीनाच्या सौंदर्याच्या चर्चा इतक्या मोठ्या होत्या की या उमलत्या खेळाडूवर 10 कॉलमच्या बातम्या वर्तमानपत्रांत दिसू लागल्या. पण, त्यामुळे सबीनाच्या टीमचे इतर सदस्य आणि विरुद्ध टीम मेम्बर इतके नाराज झाले की त्यांनी तिच्याविषयी तक्रारी सुरू केल्या.
या खेळाडूंच्या म्हणण्यानुसार, लोकांना आता त्यांना किंवा मॅच पाहायची नाहीए यामुळे, यासाठी कारणीभूत असणार्‍या या मुलीला मॅचबाहेर केलं जायला हवं. परंतु, सबीना मात्र या प्रतिक्रियेमुळे नाराज झाली नाही. सबीना म्हणते, ‘माझे फॅन्स माझ्यावर प्रेम करतात ही माझ्यासाठी आनंदाचीच गोष्ट आहे.. व्हॉलिबॉल खेळणं हे माझं प्रेम आहे, जे मी सोडून देऊ शकत नाही’.