सानिया मिर्झानं टेनिस खेळून जरी देशाचं नाव उंचावल असलं, तरी रात्री बाहेर पडताना तिला आपला चेहरा झाकून बाहेर पडण्याची गरज भासतेय. सानियांन फेसबुकवर आपला एक फोटो पोस्ट केलाय. या फोटोत तिनं स्वत:चा चेहरा मोठ्या नजाकतीनं झाकलेला दिसतोय.... या फोटोसोबत आपला चेहरा का लपवून ठेवावा लागतोय, याचं कारणंही सानियानं तिच्या फॅंसना सांगितलंय.
त्याचं झालं असं, खाण्याची शौकीन सानिया रात्रीच्या वेळेस हैदराबादच्या चारमिनार भागातील रस्त्यावरच्या दुकानांनवर चवदार पदार्थाची चव घेण्यासाठी बाहेर पडली होती.
पण, यासाठी तिला चक्क वेश बदलावा लागला.... आणि यासाठी तिला आपला चेहराही इतरांना दिसणार नाही, याची काळजी घ्यावी लागली. या फोटोसोबतच सानियानं तिचा आणखी एक फोटो पोस्ट केलाय. या दुसर्‍या फोटोत सानिया 'ग्लासगो कॉमनवेल्थ' मध्ये सुरू असलेल्या एका मॅचची मज्जा घेताना दिसतेय.