रशियाची टेनिसपटू मारिया शारापोव्हाने फ्रेंच खुल्या ग्रँडस्लॅम टेनिस स्पर्धेत महिला एकेरीची अंतिम फेरी गाठली.
मारियाने तीन सेटपर्यंत आणि बराच वेळ खेळल्या गेलेल्या पहिल्या उपान्तय सामन्यात बेलारुसच्या व्हिक्टोरिया अझारेन्का हिचा 6-1, 2-6, 6-4 असा पराभव केला. पहिला सेट मारियाने सहजपणे घेतला.
दुसरा सेट सहजपणे घेऊन अझारेन्काने 1-1 अशी बरोबरी साधली. निर्णायक सेटही चुरशीचा ठरला. परंतु मारियाने तिसरा सेट जिंकून अंतिम फेरीत धडक मारली.