Khelo India Youth Games 2023 मध्य प्रदेशातील आठ शहरांव्यतिरिक्त दिल्लीत हे कार्यक्रम होणार आहेत. भोपाळमधील तात्या टोपे नगर स्टेडियमवर 30 जानेवारी रोजी उद्घाटन सोहळा होणार आहे. तर, 11 फेब्रुवारीला भोपाळमध्येच समारोप सोहळा होणार आहे.
खेलो इंडिया युथ गेम्सची चौथी आवृत्ती 30 जानेवारी ते 11 फेब्रुवारी दरम्यान मध्य प्रदेशात आयोजित केली जाणार आहे. यामध्ये देशातील सहा हजारांहून अधिक खेळाडू सहभागी होणार आहेत. मध्य प्रदेशातील आठ शहरांव्यतिरिक्त दिल्लीत हे कार्यक्रम होणार आहेत. भोपाळमधील तात्या टोपे नगर स्टेडियमवर 30 जानेवारी रोजी उद्घाटन सोहळा होणार आहे. तर, 11 फेब्रुवारीला भोपाळमध्येच समारोप सोहळा होणार आहे.
मध्य प्रदेशातील भोपाळ, बालाघाट, ग्वाल्हेर, इंदूर, जबलपूर, महेश्वर, मंडला आणि उज्जैन येथे खेळांचे आयोजन केले जाणार आहे. खेलो इंडिया युथ गेम्समध्ये एकूण 29 विविध खेळांमध्ये खेळाडू सहभागी होणार आहेत. यापैकी एक स्पोर्ट्स ट्रॅक-सायकलिंग दिल्लीत आयोजित करण्यात येणार आहे. भोपाळला सर्वाधिक नऊ खेळांचे यजमानपद मिळाले आहे. दिल्ली व्यतिरिक्त, महेश्वर आणि बालाघाट ही दोनच ठिकाणे आहेत जिथे प्रत्येकी एकच खेळ आयोजित केला गेला आहे.
हे खेळ तुम्ही टीव्हीवर थेट पाहू शकता
खेलो इंडिया युथ गेम्समध्ये समाविष्ट असलेल्या 11 खेळांचे स्टार स्पोर्ट्सवर थेट प्रक्षेपण केले जाईल. अॅथलेटिक्स, कुस्ती, बॉक्सिंग, नेमबाजी, व्हॉलीबॉल, वेटलिफ्टिंग, टेबल टेनिस, टेनिस, कबड्डी, योगासन आणि मलखांब या खेळांचे प्रसारण होणार आहे.