आधार कार्ड व्हेरिफिकेशन बाबत सरकारने जारी केले नवीन नियम, जाणून घ्या संपूर्ण माहिती

आधार कार्ड अपडेट हे केवळ ओळखीचे दस्तऐवज राहिलेले नाही तर ते आपल्या जीवनाचा अविभाज्य भाग बनले आहे. आधार बँक खाती उघडणे, मालमत्ता खरेदी करणे, सरकारी आर्थिक साधनांमध्ये गुंतवणूक करणे इ. साठी आवश्यक आहे . आधार हे युनिक आयडेंटिफिकेशन अथॉरिटी ऑफ इंडिया (UIDAI) द्वारे जारी केले जाते आणि ते आधार पडताळणीच्या विविध प्रक्रिया अपडेट करते. नुकताच UIDAI द्वारे आधार व्हेरिफिकेशन बाबत एक नवीन नियम जाहीर करण्यात आला आहे की आपण ते ऑनलाइन आणि ऑफलाइन करू शकाल. सरकारकडून कोणते नवीन नियम जारी करण्यात आले ते जाणून घेऊ या .

जारी केलेल्या नवीन अधिसूचनेनुसार, आधार व्हेरिफिकेशन साठी डिजिटल स्वाक्षरी केलेले दस्तऐवज प्रदान करावे लागतील. हे डिजिटल स्वाक्षरी केलेले दस्तऐवज भारतीय विशिष्ट ओळख प्राधिकरणाने (UIDAI) जारी केले पाहिजेत. उल्लेखनीय म्हणजे, सरकारने आधार नियमावली 8 नोव्हेंबर रोजी अधिसूचित केली होती आणि 9 नोव्हेंबर रोजी अधिकृतपणे जारी करण्यात आली होती. नियमावलीत, ई-केवायसीसाठी आधारच्या ऑफलाइन व्हेरीफिकेशनची संपूर्ण प्रक्रिया स्पष्ट करण्यात आली आहे.

हा एक पर्याय आहे

ज्यामध्ये आधार कार्डधारकाला आधार ई-केवायसी व्हेरीफिकेशन प्रक्रियेसाठी अधिकृत एजंटला त्याचा आधार पेपरलेस ऑफलाइन ई-केवायसी देण्याचा पर्याय दिला जातो. यानंतर एजन्सी आधार धारकाने दिलेला आधार क्रमांक आणि नाव, पत्ता इत्यादी केंद्रीय डेटाबेसशी जुळवेल. हे  बरोबर असल्याचे आढळल्यास व्हेरिफिकेशन ची प्रक्रिया पुढे नेली जाते.

ऑफलाइन आधार व्हेरिफिकेशन पद्धती

- QR कोड व्हेरिफिकेशन 

- आधार पेपरलेस ऑफलाइन ई-केवायसी व्हेरिफिकेशन

- ई-आधार व्हेरिफिकेशन

- ऑफलाइन पेपर-आधारित व्हेरिफिकेशन

ऑनलाइन आधार व्हेरिफिकेशन पद्धती

- जनसांख्यिकीय प्रमाणीकरण

- एक-वेळ पिन-आधारित प्रमाणीकरण