Sukanya Samriddhi Yojana: नववर्षापूर्वी अल्पबचत योजनेच्या व्याजदरात वाढ करून सरकारने गुंतवणूकदारांना भेट दिली आहे. सुकन्या समृद्धी योजनेसाठी, या आर्थिक वर्ष 2023-24 च्या चौथ्या तिमाहीसाठी व्याजदर 8.2 टक्के करण्यात आला आहे. यापूर्वी या योजनेवर गुंतवणूकदारांना 8 टक्के व्याज दिले जात होते. मात्र, सरकारने इतर योजनांच्या व्याजदरात वाढ केलेली नाही.
सरकारने आर्थिक वर्ष 2023-24 च्या चौथ्या तिमाहीसाठी छोट्या बचत योजनांचे व्याजदर जाहीर केले आहेत. सुकन्या समृद्धी योजना वगळता कोणत्याही योजनेच्या व्याजदरात वाढ करण्यात आलेली नाही. जानेवारी ते मार्च या तिमाहीत सुकन्या समृद्धी योजनेचा व्याजदर 8.2 टक्के करण्यात आला आहे.
या आर्थिक वर्षात सरकारने या योजनेसाठी व्याजदरात वाढ करण्याची ही दुसरी वेळ आहे.
यापूर्वी पहिल्या तिमाहीत सरकारने सुकन्या समृद्धी योजनेचा व्याजदर ७.६ टक्क्यांवरून ८ टक्के केला होता.
अशाप्रकारे पाहिले तर चालू आर्थिक वर्षात सरकारने मुलींसाठीच्या या योजनेच्या व्याजदरात .6 टक्क्यांनी वाढ केली आहे.
सुकन्या समृद्धी योजनेसोबतच तीन वर्षांच्या मुदत ठेवींवरील सध्याचा व्याजदर सात टक्क्यांवरून 7.1 टक्के होईल. दुसरीकडे, पीपीएफ आणि बचत ठेवींवरील व्याजदर अनुक्रमे 7.1 टक्के आणि चार टक्के कायम ठेवण्यात आले आहेत.
किसान विकास पत्रावरील व्याज दर 7.5 टक्के आहे आणि त्याची परिपक्वता कालावधी 115 महिने आहे. नॅशनल सेव्हिंग सर्टिफिकेट (NSC) वरील व्याजदर 1 जानेवारी ते 31 मार्च 2024 या कालावधीसाठी 7.7 टक्के इतकाच आहे. मासिक उत्पन्न योजनेसाठी (MIS) व्याजदरात (7.4 टक्के) कोणतीही वाढ झालेली नाही.
