उत्तर प्रदेशच्या निवडणुकीच्या सभेमध्ये भाषणादरम्यान संरक्षण मंत्री राजनाथ सिंह यांना बेरोजगार तरुणांच्या नाराजीचा सामना करावा लागल्याचं पाहायला मिळालं.
उत्तर प्रदेशच्या गोंडा परिसरात भाजपचे स्टार प्रचारक राजनाथ सिंह यांच्या सभेचं आयोजनं करण्यात आलं होतं. पण ते भाषणाला उभे राहताच काही युवकांनी घोषणाबाजी केल्याचं पाहायला मिळालं.
लष्करात भरती करण्याची मागणी करण्यासाठी तरुणांकडून ही घोषणाबाजी करण्यात आला. त्याता राजनाथ सिंह यांनी भरती होणार असं सांगत शांत करण्याचा प्रयत्न केला.
तुम्हाला जशी काळजी आहे, तीच आम्हालाही आहे. केवळ कोरोनामुळं काही अडचणी आल्या होत्या, असं तरुणांना सांगत त्यांना शांत करण्याचा प्रयत्न राजनाथ यांनी केला.