अजित डोवाल जम्मू-काश्मीरमध्ये

राष्ट्रीय सुरक्षा सल्लागार अजित डोवाल हे काश्मीरमधील परिस्थितीचा आढावा घेत असल्याचा व्हीडिओ सरकारनं जारी केला आहे.

भारतीय संसदेन जम्मू-काश्मीरला स्वतंत्र राज्याचा दर्जा देणारं कलम 370 रद्द केल्याच्या 2 दिवसांनंतर हा व्हीडिओ जारी करण्यात आला आहे.

शोपियान इथल्या नागरिकांशी डोवाल चर्चा करत असल्याचं या व्हीडिओत दिसून येत आहे. हिंदुस्तान टाईम्सनं ही बातमी दिली आहे.

दरम्यान, "कलम 370 चा निर्णय घेण्यापूर्वी फारूख अब्दुला आणि मेहबूबा मुफ्ती यांना विश्वासात घ्यायला हवं होतं," असं वक्तव्य राष्ट्रवादीचे अध्यक्ष शरद पवार यांनी केलं आहे. ते मुंबईत बोलत होते.