श्रीदेवीची मुलगी बनणार करणची 'आर्ची'?

सगळ्यांनाच अभिनेत्री श्रीदेवीची मुलगी जान्हवी कपूरच्या बॉलिवूडमधील पदार्पणाची उत्सुकता असून बॉलिवूडमध्ये जान्हवीला लॉन्च करण्याचा विडा दिग्दर्शक करण जोहरने उचलला आहे. जान्हवी बॉलिवूडमध्ये 'सैराट'च्या हिंदी रिमेकमधून पदार्पण करणार  असल्याची आहे. नागराज मंजुळे दिग्दर्शित आर्ची-परश्याच्या 'सैराट'ने सर्वांनाच याड लावले. मराठी  चित्रपटसृष्टीसह बॉलिवूडलाही याल लावले होते. या चित्रपटाने दिग्दर्शक करण जोहरलाही भुरळ पाडली असून त्याने या चित्रपटाच्या रिमेकचे हक्क विकत घेतल्याची चर्चा आहे. 

सुपर डुपर हिट 'सैराट' झाल्यानंतर या चित्रपटाच्या रिमेकचे हक्क मिळवण्यासाठी बॉलिवूडमधील अनेक निर्माते उत्सुक होते. मात्र, अखेरीस करण जोहरच्या धर्मा प्रॉडक्शन आणि झी एकत्रितपणे या चित्रपटाची हिंदी भाषेत निर्मिती करणार आहे. या चित्रपटाचे कथानक बर्‍यापैकी 'सैराट' सारखेच राहणार आहे. मात्र संपूर्ण भारतातील प्रेक्षक वर्गाला विचारात घेऊन त्यात थोडेफार बदल करण्यात येणार आहेत. याच चित्रपटातून श्रीदेवीची मुलगी जान्हवी कपूर 'सैराट'च्या हिंदी रिमेकद्वारे बॉलिवूडमध्ये पदार्पण करणार असल्याची चर्चा रंगत आहे.