जॉली एलएलबी २’ च्या 'त्या' दृश्यांना कात्री

‘जॉली एलएलबी २’ चित्रपटातील ‘तीन आक्षेपार्ह दृश्ये आणि संवाद’ न्यायव्यवस्थेची अप्रतिष्ठा करणारे असल्याचा अमायकस क्युरींचा अहवाल स्वीकारत उच्च न्यायालयाच्या औरंगाबाद खंडपीठाने ते वगळण्याचे आदेश सोमवारी सेन्सॉर बोर्डाला दिले. न्यायालयाने निर्मात्यांचे लेखी निवेदनही स्वीकारले.

चित्रपटात लखनऊ येथील जिल्हा व सत्र न्यायालयाची इमारत आणि नामफलक दाखविला आहे. चित्रपटाच्या ट्रेलरमध्ये वकील आणि पोलीस अधिकारी न्यायालयात पत्ते खेळतात. न्यायमूर्तींच्या आसनासमोर धावून जातात, मारामारी आणि बीभत्स नृत्यही करतात, असे दाखविले होते.