‘काबिल’ चित्रपट आता १०० कोटीच्या क्लबमध्ये सामिल झाला आहे. प्रदर्शनाच्या अकराव्या दिवशी चित्रपटाने १०६.२ कोटी इतकी कमाई केली आहे. या चित्रपटाने शनिवारी ९.२२ कोटी इतकी कमाई केली. ‘काबिल’ आणि ‘रईस’ हे दोन्ही चित्रपट २५ जानेवारीला एकाच दिवशी प्रदर्शित झाले .‘रईस’ चित्रपटाने कमाईच्या बाबतीत बॉक्स ऑफिसवर धमाकेदार सुरुवात केली. या चित्रपटाच्या तुलनेत ‘काबिल’ची कमाई कमी होती. सुरुवातीला दोन्ही चित्रपटांनी जवळपास ३५ ते ४० कोटीची कमाई केली होती. त्यानंतर आता पहिल्या आठवड्याच्या अखेरीस दोन्ही चित्रपटाच्या कमाईचा विचार केल्यास ‘काबिल’ चित्रपटाने शुक्रवारी २ फेब्रुवारीला ५.२५ कोटी आणि शनिवारी ६.४० कोटींची कमाई केली. तर याच दोन दिवसांत ‘रईस’ने या चित्रपटापेक्षा अधिक म्हणजे ६.२५ कोटी आणि ६.६० कोटी गल्ला जमविल्याचे दिसते.