बॉलिवूड इंडस्ट्रीतील प्रसिद्ध गायक मिका सिंगच्या चाहत्यांसाठी एक निराशाजनक बातमी समोर येत आहे. गायक गेल्या काही दिवसांपासून आजारी होता. प्रकृती अस्वास्थ्यामुळे परदेशात अडकला असून त्याने स्वतः ही माहिती दिली आहे.
मिकाच्या घशात संसर्ग
मिका सिंगने 'हिंदुस्तान टाईम्स'ला दिलेल्या मुलाखतीत सांगितले की, 'माझ्या 24 वर्षांच्या प्रदीर्घ कारकिर्दीत हे पहिल्यांदाच घडले आहे. माझी तब्येत बरी नसल्याने मला माझे शो पुढे ढकलावे लागले. जेव्हा माझ्या आरोग्याचा प्रश्न येतो तेव्हा मी नेहमीच काळजी घेतली आहे. पण मी अमेरिकेत बॅक टू बॅक शो केले. अजिबात आराम केला नाही. त्याचा परिणाम असा झाला की माझी तब्येत बिघडू लागली.
मिका सिंगचे करोडो रुपयांचे नुकसान
गायकाच्या घशात इन्फेक्शन झाल्यामुळे तो परफॉर्म करू शकत नाही. अशा स्थितीत त्याचे 15 कोटी रुपयांचे नुकसान झाले आहे. अशा परिस्थितीत मिका सिंगने सांगितले की, त्याचे 10-15 कोटींचे नुकसान झाले आहे. शोमध्ये परफॉर्म न केल्यामुळे त्याला अनेकांचे पैसेही परत करावे लागले आहेत.
मिका सिंग जगाच्या दौऱ्यावर
मिका सिंग सध्या जगाच्या दौऱ्यावर आहे, त्याच्या वेगवेगळ्या देशांमध्ये अनेक कॉन्सर्ट होणार आहेत. नुकताच तो डॅलस (अमेरिका) येथे कार्यक्रम करत होता. त्या काळात त्याचा घशावर परिणाम झाला. यानंतर डॉक्टरांनी त्याला मनाई केली की पुढील शोसाठी तो 25 तासांचा प्रवास करू शकत नाही किंवा ऑस्ट्रेलियाला कुठेही जाऊ शकत नाही. आता गायक कधी बरा होऊन भारतात परततो हे पाहावे लागेल.