Tiger Vs Pathaan: बॉलिवूड सुपरस्टार सलमान खान आणि शाहरुख खान यांचा बहुप्रतिक्षित 'टायगर वर्सेस पठाण' हा चित्रपट सध्या चर्चेत आहे. 'टायगर 3' आणि 'पठाण'च्या यशानंतर, आता निर्मात्यांनी जासूस विश्वातील सर्वात मोठ्या चित्रपटाच्या शूटिंगसंदर्भात एक अपडेट समोर आणले आहे.
मीडिया रिपोर्ट्सनुसार, सलमान आणि शाहरुख यांनी एप्रिलच्या शूट शेड्यूलची तारीख दिली आहे. या चित्रपटाचे शूटिंग जून किंवा जुलै महिन्यापासून सुरू होणार असल्याचे सांगण्यात येत आहे. निर्माते सध्या चित्रपटाचे कास्टिंग करत आहेत. त्याचबरोबर चित्रपटाच्या पूर्वनिर्मितीबाबतही वेगाने काम सुरू आहे.
मात्र, कतरिना कैफ आणि दीपिका पदुकोण फ्रँचायझीमध्ये परतणार की नाही याबाबत अद्याप कोणतीही माहिती समोर आलेली नाही. कतरिना 'टायगर'मध्ये झोयाची भूमिका साकारताना दिसली होती, तर दीपिका 'पठाण'मध्ये जासूस रुबीनाच्या भूमिकेत दिसली होती.
पठाण' आणि 'टायगर 3'चे यश पाहता 'टायगर वर्सेस पठाण' हादेखील याच पद्धतीने एक मोठा चित्रपट म्हणून उदयास येऊ शकतो, अशी दाट शक्यता वर्तवण्यात आली आहे . या चित्रपटात सलमान खान आणि शाहरुख खान एकमेकांशी लढताना दिसणार असल्याचे 'टायगर विरुद्ध पठाण'च्या नावावरून स्पष्ट झाले आहे. हा चित्रपटही सिद्धार्थ आनंद दिग्दर्शित करणार आहे.
एका संभाषणादरम्यान सलमान खानने त्याच्या आगामी प्रोजेक्ट 'टायगर वर्सेस पठाण' बद्दल देखील बोलले, जो एक क्रॉसओव्हर चित्रपट आहे. 'टायगर वर्सेस पठाण'च्या शूटिंगबद्दल विचारले असता, तो म्हणाला होता की टायगर नेहमीच तयार असतो, त्यामुळे जेव्हा जेव्हा गोष्टी लॉक होतात तेव्हा तो तिथे असतो.