मंगळवारी इंडियन प्रीमियर लीगमध्ये (IPL 2020) दिल्ली कॅपिटल्सला किंग्ज इलेव्हन पंजाबच्या हातून पाच विकेटने पराभव स्वीकारावा लागला.10 सामन्यात पंजाबचा हा चौथा विजय होता. संघाकडे आता 8 गुण आहेत. केएल राहुलच्या नेतृत्वात किंग्ज इलेव्हन पंजाबने आता आयपीएल पॉइंट्स टेबलमध्ये पाचव्या क्रमांकावर झेप घेतली आहे. त्याचबरोबर 10 सामन्यांत दिल्ली कॅपिटल्सचा हा तिसरा पराभव आहे. 14 गुणांसह दिल्ली पॉइंट्स अव्वल स्थानावर आहे.
दुबई आंतरराष्ट्रीय क्रिकेट स्टेडियमवर किंग्ज इलेव्हन पंजाबने दिल्ली कॅपिटल्सला पाच विकेट्सने पराभूत करून आपल्या प्लेऑफच्या आशा कायम राखल्या आहेत. प्रथम फलंदाजी करताना शिखर धवनच्या नाबाद 106 धावांच्या मदतीने दिल्ली कॅपिटलने पाच विकेट्सवर 164 धावा केल्या. किंग्ज इलेव्हन पंजाबने 19 षटकांत पाच गडी गमावून 167 धावांनी विजय मिळविला. पंजाबकडून निकोलस पूरनने 28 चेंडूंत 53 धावांचे योगदान दिले. त्याशिवाय ग्लेन मॅक्सवेलने 24 चेंडूत 32, ख्रिस गेलने 13 चेंडूत 29 आणि दीपक हुडाने 22 चेंडूत नाबाद 15 धावांची खेळी साकारली.