IPL 2023 KKR vs SRH :कोलकाता सलग तिसऱ्या विजयाच्या शोधात, मार्कराम-यानसेनचे हैदराबादात पुनरागमन

Kolkata Knight Riders vs Sunrisers Hyderabad  :अलीगढच्या रिकुन सिंगने शेवटच्या षटकात पाच षटकार मारून शेवटचा सामना जिंकल्यानंतर, कोलकाता नाईट रायडर्स आज सनरायझर्स हैदराबादविरुद्ध सलग तिसरा विजय मिळवण्याचा प्रयत्न करेल. मोहालीत खेळल्या गेलेल्या पहिल्या सामन्यात पंजाबविरुद्धच्या पराभवानंतर केकेआरला लागोपाठ दोन सामन्यांत विजय मिळवून नवे हिरो मिळाले.

मजबूत दिसणाऱ्या एडन मार्करामच्या नेतृत्वाखालील सनरायझर्स हैदराबादला पहिल्या दोन सामन्यांमध्ये छाप पाडता आलेली नाही. हॅरी ब्रूक, मयांक अग्रवाल, हेनरिक क्लासेन हे संघात आहेत. राहुल त्रिपाठीने 48 चेंडूत नाबाद 74 धावा करत संघाला पंजाबविरुद्ध मोसमातील पहिला विजय मिळवून दिला.

शार्दुल ठाकूर प्रथम रॉयल चॅलेंजर्स बंगलोर (RCB) विरुद्धफटकेबाजी दाखवत, 29 चेंडूत 68 धावा करून केकेआरला मोसमातील पहिला विजय 81 धावांनी मिळवून दिला आणि त्यानंतर गुजरात टायटन्सविरुद्ध शेवटच्या षटकात 31 धावा करून रिंकूच्या पाच षटकारांसह गुजरातला  अहमदाबादचा गडावर ३-० असा विजय मिळवून दिला.

नियमित कर्णधार श्रेयस अय्यरला संपूर्ण हंगामासाठी वगळण्यात आल्याने दोन वेळा माजी विजेत्या संघाला मोठा धक्का बसला. मागील दोन विजयांचे एक मोठे वैशिष्ट्य म्हणजे दोन्ही विजय आक्रमक फलंदाज आंद्रे रसेल आणि कर्णधार नितीश राणा यांच्या महत्त्वपूर्ण योगदानाशिवाय मिळाले आहेत. 

शार्दुल आणि रिंकू यांनी कोलकात्याला निश्चितच दोन फिनिशर पर्याय दिले आहेत, परंतु संघाला हे सिद्ध करायचे आहे की शेवटचे दोन विजय कोणतेही फ्ल्यूक नव्हते. 

पहिल्या तीन सामन्यांमध्ये केकेआरने सलामीची जोडी म्हणून तीन संयोजन आजमावले आहेत. शुक्रवारी असे होऊ शकते की अफगाणिस्तानच्या रहमानुल्ला गुरबाजच्या जागी इंग्लंडच्या जेसन रॉयला आणले जाईल. गुरबाजने आरसीबीविरुद्ध चांगली अर्धशतक झळकावली होती. शाकिब अल हसनसाठी जेसन रॉयला आणण्यात आले आहे. नारायण जगदीशन यष्टिरक्षकाची भूमिका बजावू शकतो. 

ब्रूक आणि हेन्री चांगली कामगिरी करेल आणि संघ मोठी धावसंख्या करू शकेल, अशी आशा हैदराबादला असेल. हॅरी ब्रूकला संघाने 13.25 कोटींमध्ये घेतले आहे. आतापर्यंत तो अनुक्रमे 13, 03 आणि 13 धावांचाच डाव खेळू शकला आहे. 

दोन्ही संघांचे संभाव्य खेळ-11

कोलकाता नाइट रायडर्स: जेसन रॉय, एन जगदीशन (विकेटकीपर), व्यंकटेश अय्यर, नितीश राणा (क), आंद्रे रसेल, रिंकू सिंग, शार्दुल ठाकूर, सुनील नरेन, लॉकी फर्ग्युसन, उमेश यादव, वरुण चक्रवर्ती.

सनरायझर्स हैदराबाद : मयंक अग्रवाल, हॅरी ब्रूक, राहुल त्रिपाठी, एडन मार्कराम (कर्णधार), हेनरिक क्लासेन (यष्टीरक्षक), अब्दुल समद, वॉशिंग्टन सुंदर, मयंक मार्कंडे, मार्को जॅनसेन, भुवनेश्वर कुमार, उमरान मलिक.