Mahashivratri Vrat During Periods मासिक पाळीच्या काळात महाशिवरात्रीचा उपवास करू शकतो का?

महाशिवरात्रीचा उपवास खूप खास मानला जातो आणि या दिवशी भगवान शिवाची विशेष पूजा केली जाते. हा उपवास केवळ आध्यात्मिक शांती आणि पुण्य मिळविण्यासाठीच नाही तर समृद्धी आणि आरोग्यासाठी देखील शुभ मानला जातो. तथापि अनेक महिलांना प्रश्न पडतो की मासिक पाळीच्या वेळी महाशिवरात्रीचा उपवास करता येईल का. आज, आम्ही तुम्हाला महाशिवरात्रीच्या उपवासात मासिक पाळीच्या वेळी महिलांनी काय करावे आणि तो उपवास योग्यरित्या कसा करावा हे सांगणार आहोत.

उपवास आणि शास्त्र काय सांगते?

अनेक धार्मिक ग्रंथांनुसार, उपवास हा मनाच्या शुद्धीसाठी आणि ईश्वराप्रती असलेल्या भक्तीसाठी असतो. मासिक पाळी हा एक नैसर्गिक शारीरिक बदल आहे, ती कोणतीही अशुद्धता नाही. त्यामुळे तुम्ही मनोभावे उपवास करू शकता.

पूजेच्या बाबतीत काही संकेत

परंपरेनुसार मासिक पाळीच्या काळात मूर्तीला स्पर्श करणे किंवा मंदिरात जाणे टाळले जाते. परंतु, भक्तीसाठी या गोष्टी आड येत नाहीत. तुम्ही खालील गोष्टी करू शकता:

मानसिक पूजा: मनातल्या मनात शिवनामाचा जप करणे, 'ॐ नमः शिवाय' मंत्राचा उच्चार करणे.

स्तोत्र पठण: तुम्ही शिवलीलामृत किंवा इतर स्तोत्रे वाचू शकता.

आरती: तुम्ही दुरून आरतीमध्ये सहभागी होऊ शकता किंवा केवळ आरती ऐकू शकता.

आरोग्याची काळजी (सर्वात महत्त्वाचे)

पाळीच्या काळात शरीरात ऊर्जेची कमतरता असते आणि काहींना पोटदुखी किंवा अशक्तपणा जाणवतो. अशा वेळी कडक उपवास करणे आरोग्यासाठी त्रासदायक ठरू शकतो. जर तुम्हाला खूप त्रास होत असेल, तर 'फराळी उपवास' करा (उदा. दूध, फळे, साबुदाणा खिचडी घेणे).  शरीरातील पाण्याची पातळी टिकवून ठेवण्यासाठी लिंबू पाणी किंवा ताक प्या. स्वतःला जास्त कष्ट देऊ नका; कारण देवाला तुमची भक्ती हवी आहे, त्रास नाही.

तुमच्या मनातील शंका दूर करा

भक्ती ही लिंग किंवा शारीरिक अवस्था बघत नाही. जर तुमची इच्छाशक्ती प्रबळ असेल आणि तुम्हाला उपवास केल्याने समाधान मिळणार असेल, तर तुम्ही नक्कीच उपवास करू शकता. केवळ देवाची मूर्ती किंवा शिवलिंगाला स्पर्श करणे टाळून तुम्ही सर्व धार्मिक विधी घराबाहेरून किंवा लांबून करू शकता.

अस्वीकारण: हा लेख सामान्य माहितीवर आधारित आहे. वेबदुनिया याची पुष्टी करत नाही.