ट्रल बोर्ड ऑफ डायरेक्ट टॅक्सेशन (CBDT) ने त्या करदात्यांना मोठा दिलासा दिला आहे ज्यांनी अद्याप आयकर विवरणपत्र भरले नाही. सीबीडीटीने म्हटले आहे की, मूल्यांकन वर्ष 2021-22 साठी आयकर विवरणपत्र भरण्याची अंतिम मुदत 31 डिसेंबर 2021 पर्यंत वाढवण्यात आली आहे. अर्थ मंत्रालयाने एक निवेदन जारी करून ही माहिती दिली आहे. "मूल्यांकन वर्ष 2021-2022 साठी आयकर विवरणपत्र भरण्याची शेवटची तारीख 31 जुलै पूर्वी होती. ती आधी 30 सप्टेंबरपर्यंत वाढवण्यात आली होती. आता पुन्हा एकदा ही मुदत 31 डिसेंबर 2021 पर्यंत वाढवण्यात आली आहे," असे मंत्रालयाने म्हटले आहे. याचा अर्थ आता तुम्ही 31 डिसेंबर पर्यंत ITR भरू शकता.
पोर्टलमध्ये समस्या येत होती: हा निर्णय अशा वेळी घेण्यात आला आहे जेव्हा करदात्यांना नवीन आयटीआर पोर्टलवर आयटीआर दाखल करण्यात अडचण येत आहे. अलीकडेच, अर्थमंत्री निर्मला सीतारामन यांनी पोर्टलमधील त्रुटी दूर करण्यासाठी इन्फोसिसला 15 सप्टेंबरपर्यंत वेळ दिला. वास्तविक, हे पोर्टल इन्फोसिसनेच बनवले आहे.
67,400 कोटी रुपये परतावा: दरम्यान, चालू आर्थिक वर्षाच्या पहिल्या पाच महिन्यांत आयकर विभागाने 67 हजार कोटी रुपयांपेक्षा जास्त कर परतावा जारी केला आहे. अलीकडेच, आयकर विभागाने म्हटले होते की 1 एप्रिल 2021 ते 30 ऑगस्ट 2021 दरम्यान 23.99 लाख करदात्यांना 67,401 कोटी रुपयांचे कर परतावे जारी करण्यात आले आहेत.