आज 1 तारखेपासून नोव्हेंबर महिना सुरू झाला असून यासोबतच अनेक मोठे बदलही होणार आहेत. या बदलांचा परिणाम तुमच्या खिशावर तर होईलच पण तुमच्या जीवनशैलीवरही परिणाम होईल. 1 नोव्हेंबरपासून गॅस सिलिंडरच्या किमतीत बदल करण्यासोबतच विमा दाव्यांसंबंधीचे नियमही बदलणार आहेत. यासोबतच रेल्वेच्या वेळापत्रकातही बदल होणार आहे.
1 एलपीजीच्या किमती बदलणार -
दर महिन्या प्रमाणे 1 नोव्हेंबरला पेट्रोलियम कंपन्या एलपीजीच्या किमतींचा आढावा घेऊन नवीन दर निश्चित करतील. पेट्रोलियम कंपन्या प्रत्येक महिन्याच्या पहिल्या दिवशी 14 किलो घरगुती सिलिंडर आणि 19 किलो व्यावसायिक सिलिंडरच्या किमती सुधारतात. 1 ऑक्टोबर रोजी कंपन्यांनी व्यावसायिक गॅस सिलिंडरच्या किमती 25.5 रुपयांनी वाढवल्या होत्या.
2 सिलिंडरच्या डिलिव्हरीसाठी ओटीपी सांगावा लागणार-
नोव्हेंबर महिन्यातील दुसरा महत्त्वाचा बदलही गॅस सिलेंडरशी संबंधित आहे. नोव्हेंबर महिन्यापासून गॅस सिलिंडरच्या होम डिलिव्हरीसाठी वन टाइम पासवर्ड किंवा ओटीपी आवश्यक असेल. सिलिंडर बुक केल्यानंतर, ग्राहकांच्या नोंदणीकृत मोबाइल क्रमांकावर एक ओटीपी पाठवला जाईल. हे सांगितल्यानंतर ते सिस्टीमशी जुळवले जाईल, त्यानंतरच सिलिंडरची डिलिव्हरी देण्यात येईल.
3 विम्याचे दावे घेण्याचे नियम बदलणार-
1 नोव्हेंबरला IRDA सुद्धा मोठ्या बदलाची घोषणा करू शकते. विमाधारकांना पहिल्या नोव्हेंबरपासून KYC तपशील देणे बंधनकारक केले जाऊ शकते. सध्या, नॉन-लाइफ इन्शुरन्स पॉलिसी घेताना केवायसी देणे ऐच्छिक असले तरी नोव्हेंबरपासून ते अनिवार्य होईल. यानंतर, विमा दाव्याच्या वेळी केवायसी कागदपत्रे न दिल्यास दावा रद्द केला जाऊ शकतो.
4 जीएसटीशी संबंधित नियमांमध्ये हा बदल होणार -
, नोव्हेंबर महिन्यात जीएसटीशी संबंधित नियमांमध्ये बदल होणार आहे. आता पाच कोटींपेक्षा कमी उलाढाल असलेल्या करदात्यांना जीएसटी रिटर्नमध्ये पाच अंकी HSN कोड टाकावा लागेल. यापूर्वी दोन अंकी HSN कोड टाकावा लागत होता. 1 एप्रिल 2022 पासून पाच कोटींपेक्षा जास्त उलाढाल असलेल्या करदात्यांना चार अंकी कोड आणि नंतर 1 ऑगस्ट 2022 पासून सहा अंकी कोड प्रविष्ट करणे अनिवार्य करण्यात आले होते.
5 वीज सबसिडीशी संबंधित नियम बदलणार-
नोव्हेंबर महिन्यापासून दिल्लीत वीज सबसिडीशी संबंधित नियमांमध्येही बदल होणार आहेत. याअंतर्गत ज्या लोकांनी वीज अनुदानासाठी नोंदणी केलेली नाही त्यांना अनुदानाचा लाभ मिळणार नाही. अनुदानासाठी नोंदणीची अंतिम तारीख आज म्हणजे 31 ऑक्टोबर 2022 निश्चित करण्यात आली.