बांगलादेश क्रिकेट बोर्डाने पाकिस्तानात कसोटी मालिका खेळण्यास नकार दिला आहे. बांगलादेशचा संघ पाकिस्तानात फक्त टी-20 मालिका खेळेल असे बांगलादेश क्रिकेट बोर्डाचे अध्यक्ष निझामुद्दीन चौधरी यांनी प्रसारमाध्यमांशी बोलताना सांगितले.
आम्ही आमच्या भूमिकेवर ठाम आहोत. पाकिस्तानात आम्ही फक्त टी-20 मालिका खेळू. मात्र, आमच्या बोर्डाशी संलग्न असलेले काही घटक कसोटी मालिका पाकिस्तानात खेळणसाठी उत्सुक नाहीत. त्यामुळे कसोटी मालिकाही त्रयस्थ ठिकाणी खेळली जाईल, असेही ते म्हणाले.
