मुंबई- महेंद्रसिंग धोनी सारख्या सक्षम कर्णधाराला वनडे नेतृत्वापासून दूर करणे महागात पडू शकते, अशा इशारा भारतीय संघाचे माजी प्रशिक्षक गॅरी कर्स्टन यांनी दिला आहे. विराट कोहलीकडे सर्व प्रकारांत संघाचे नेतृत्व द्यावे का याचे उत्तर माझ्याकडे नाही, असे कर्स्टन यांनी सांगितले.
सर्वच दिग्गज खेळाडू कारकिर्दीच्या अखेरीपर्यंत सर्वोत्तम प्रदर्शन करत असतात. धोनी 2019 विश्वचषक खेळणार का याविषयी मला कल्पना नाही, परंतु नेतृत्त्वपदावरून त्याला दूर केल्यास एका दिमाखदार प्रदर्शनाला आपण दुरावू. धोनी महान खेळाडू आहे. मी ज्यांच्याबरोबर काम केले आहे त्यांच्यामध्ये धोनी सर्वोत्तम कर्णधार आहे.