IND vs ENG: भारताने इंग्लंडवर दुसरा मोठा विजय नोंदवला, इंग्लंडचा 142 धावांनी पराभव

भारताने तिसऱ्या एकदिवसीय सामन्यात इंग्लंडचा 142 धावांनी पराभव केला आणि मालिका3-0ने जिंकली. अहमदाबादच्या नरेंद्र मोदी स्टेडियमवर खेळल्या गेलेल्या या सामन्यात, नाणेफेक गमावून प्रथम फलंदाजी केल्यानंतर, भारतीय संघाने शुभमन गिलचे शतक आणि विराट कोहलीच्या अर्धशतकाच्या जोरावर 50 षटकांत 10 गडी गमावून356 धावा केल्या.

प्रत्युत्तरात, इंग्लंड संघाला 34.2 षटकांत 10 गडी गमावून केवळ 214 धावा करता आल्या. अहमदाबादमध्ये खेळल्या गेलेल्या या सामन्यात शुभमन गिलचे शतक आणि विराट कोहली आणि श्रेयस अय्यरच्या अर्धशतकांच्या मदतीने भारताने एकदिवसीय सामन्यातील दुसरी सर्वोच्च धावसंख्या केली.

हा भारताचा इंग्लंडवरील दुसरा सर्वात मोठा विजयआहे . याआधी 2008 मध्ये राजकोटमध्ये टीम इंडियाने इंग्लंडला 158 धावांनी हरवले होते. रोहित शर्माच्या संघाने चॅम्पियन्स ट्रॉफीपूर्वी इंग्लंडला व्हाईटवॉश करून आपली ताकद दाखवून दिली आहे. ही स्पर्धा 19 फेब्रुवारीपासून सुरू होईल ज्यामध्ये भारतीय संघ 20 फेब्रुवारीपासून आपल्या मोहिमेची सुरुवात करेल.

लक्ष्याचा पाठलाग करण्यासाठी इंग्लंड मैदानात उतरला आणि त्याची सुरुवात चांगली झाली. फिल साल्ट आणि बेन डकेट यांनी पहिल्या विकेटसाठी 60 धावांची भागीदारी केली जी अर्शदीप सिंगने मोडली. त्याने सातव्या षटकात डकेटची विकेट घेतली. तो 22 चेंडूत 34 धावांची खेळी खेळून पॅव्हेलियनमध्ये परतला. त्यानंतर नवव्या षटकात वेगवान गोलंदाजाने साल्टला बाद केले. तो 23 धावा काढून पॅव्हेलियनमध्ये परतला. यानंतर, टॉम बँटन आणि जो रूट यांनी जबाबदारी स्वीकारली. दोघांमध्ये 46 धावांची भागीदारी झाली.

तथापि, ही भागीदारी जास्त काळ टिकू शकली नाही आणि कुलदीप यादवने बँटनला बाद करून ती तोडली. या सामन्यात उजव्या हाताचा फलंदाज 38 धावा करून बाद झाला. इंग्लंडकडून रूटने 24, ब्रुकने 19, बटलरने सहा, लिव्हिंगस्टोनने नऊ, आदिल रशीदने शून्य, वूडने नऊ, अ‍ॅटकिन्सनने 38 आणि शकिबने दोन धावा केल्या*. भारताकडून अर्शदीप सिंग, हर्षित राणा, अक्षर पटेल आणि हार्दिक पंड्या यांनी प्रत्येकी दोन विकेट घेतल्या. याशिवाय वॉशिंग्टन सुंदर आणि कुलदीप यादव यांनी प्रत्येकी एक विकेट घेतली.

Edited By - Priya Dixit