International Tiger Day 2023: आज जागतिक व्याघ्र दिन आहे, जाणून घ्या इतिहास

आंतरराष्ट्रीय व्याघ्र दिन 2023:  दरवर्षी 29 जुलै रोजी जगातील अनेक देशांमध्ये आंतरराष्ट्रीय व्याघ्र दिन साजरा केला जातो. वाघांचे संवर्धन आणि त्यांच्या लुप्त होत चाललेल्या प्रजातींचे जतन करण्याच्या उद्देशाने आंतरराष्ट्रीय व्याघ्र दिन साजरा केला जातो. यानिमित्ताने लोकांना वाघांच्या लुप्त होत चाललेल्या अस्तित्वाची जाणीव करून दिली जाते. खरं तर, जागतिक वन्यजीव निधीच्या अहवालानुसार, गेल्या 150 वर्षांत वाघांची संख्या सुमारे 95 टक्क्यांनी घटली आहे. व्याघ्र दिन साजरा करण्याचा निर्णय घेत असतानाच देशांनी वाघांची संख्या दुप्पट करण्याचे लक्ष्य ठेवले होते. हे उद्दिष्ट पूर्ण करण्यासाठी अनेक देश प्रयत्न करत आहेत.

इतिहास-

2010 पासून व्याघ्र दिन साजरा करण्यास सुरुवात झाली. रशियातील पीटर्सबर्ग येथे एका आंतरराष्ट्रीय परिषदेचे आयोजन करण्यात आले होते, ज्यामध्ये 29 जुलै रोजी जागतिक व्याघ्र दिन साजरा करण्याचा निर्णय घेण्यात आला होता. या आंतरराष्ट्रीय शिखर परिषदेत तेरा देश सहभागी झाले होते.

कसा साजरा केला जातो?

या दिवशी वाघांच्या संवर्धनासंदर्भात चर्चासत्राचे आयोजन केले जाते. याद्वारे अधिकाधिक लोकांना वाघांविषयी माहिती देऊन त्यांच्या संवर्धनासाठी प्रबोधन केले जाते. वाघांच्या संरक्षणासाठी काम करणाऱ्या संस्थांना प्रोत्साहन आणि देणगी दिली जाते. 

Edited By - Priya Dixit