फूड कॉर्पोरेशन ऑफ इंडियाने असिस्टंट जनरल मॅनेजर आणि वैद्यकीय अधिकारी सहित अनेक पदांसाठी भरती प्रक्रिया जाहीर केल्या आहेत. एफसीआयने जारी केलेल्या अधिसूचनेनुसार एकूण 89 जागा रिक्त आहेत. योग्य आणि इच्छुक उमेदवार एफसीआय पोर्टल fci.gov.in वर जाऊन ऑनलाईन अर्ज करू शकतात.
सहाय्यक महाव्यवस्थापक (सामान्य प्रशासन) यासाठी कोणत्याही विषयात पदव्युत्तर.
सहायक महाव्यवस्थापक (टेक्निकल) यासाठी कृषी क्षेत्रातील बीएससी किंवा अन्न विज्ञानात बी.टेक किमान 50% गुणांसह.
सहायक महाव्यवस्थापक (अकाउंट्स) यासाठी भारतीय चार्टर्ड अकाउंटंट्स इन्स्टिट्यूटचे सदस्य.
सहायक महाव्यवस्थापक (कायदा) यासाठी कायद्याची पदवी आणि दिवाणी न्यायालयात किमान 5 वर्षे वकिलीचा अनुभव.
वैद्यकीय अधिकारी यासाठी एमबीबीएस आणि किमान तीन वर्षांचा अनुभव.
निवड प्रक्रिया:
सहाय्यक व्यवस्थापक आणि वैद्यकीय अधिकारी पदाच्या उमेदवारांची ऑनलाइन परीक्षा व मुलाखतीच्या आधारे निवड केली जाईल. यासाठी ऑनलाइन परीक्षा अडीच तासांची असेल. यामध्ये जनरल एप्टीट्यूड, जनरल अवेयरनेस, अ‍ॅग्रीकल्चर इकॉनॉमी, कॉम्प्युटर आणि जॉबसंबंधीचे मूलभूत ज्ञान यासंबंधी प्रश्न विचारले जातील.
ही परीक्षा 180 मार्कांची असणार असून यात कोणतीही निगेटिव्ह मार्किंग पद्धत नसणार आहे.