कोरोना परवडला पण ...

1. घरात फेरफटका मारला तर  ---- आताच केर काढला होता. फिरताय कशाला? एका जागी बसा ना...माझ्या सर्व मेहनतीवर पाणी.

2. झोपलो तर ---- सर्व बेडशीट खराब केली, तुम्हाला झोपण्याचीही शिस्त नाही.

3. काही खायला मागितले तर__ आताच तर दिले होते ना ? काम नाही धाम...इतक्यात भूक लागली ?

4. घरी काम करणार्‍या कामवाल्याबाईला आवाज दिला तर -- काय हवंय आता ? मला सांगा की..मी आहे ना जिवंत..!

5. टिव्ही लावला तर --  मला जरा पडू द्या हो...सारखं आपलं रांधा वाढा- उष्टी काढा...जीव दमून गेलाय माझा.

6. बेडवरून जरा उठलो तर---- आता कुठे चाललात उठून ?

7. अंथरूणातून नाही उठलो तर---  सकाळपासून बेडवर लोळतायं...कंटाळा कसा येत नाही, कुणास ठाऊक ?

8. चहा मागितला तर--- किती चहा प्यायचा हो? त्याला काही लिमीट आहे की नाही ? ऑफिस नाहीये हे सतत चहा ढोसायला...माझं काम वाढवताय फुकट..

9. बाटलीकडे नुसतं पाहिलं तर --- नाही हां....उगाच ज्यास्त शहाणे बनू नका.

10. घरातून बाहेर नुसतं पाहिलं तर ---- काय पहाताय ? कोणी नाहीये बाहेर... निवांत झोपून रहा.

11. थोडा झोपून राहिलो तर ---- उठा आता...घरी रहायचं म्हणजे लोळत पडायचं नाहीये... मला चादर नीट करायचीय बेडवरची...

12. मुलांना काही बोललो तर --- तुम्हाला काय त्रास होतोय मुलांचा ?

13. नाही बोललो तर --- काय उपयोग तुमचा घरी राहून ?तुम्ही काssही बोलू नका मुलांना...डोक्यावर बसवून ठेवलंय नुसतं!

14. जरा शेजारी मित्राकडे जातो, बोललो तर--- वेडे झालात काय ? तोंडाला फडकं बांधून कसल्या डोंबलाच्या गप्पा मारणार ? बसा गुपचूप घरात...

15. कोणाला घरी बोलावलं तर ----  खबरदार हां कोणाला बोलावलंत तर....कोणी माझ्या घरी आलं नाही पाहिजे...मोदींनी काय सांगितलंय, विसरलात का ?

16. संपूर्ण दिवस मोबाईलवर घालवला तर--- आता ठेवा की तो फोन...सारखं आपलं टुकटुक...टुकटुक...आम्हांला मान वर करायला फुरसत नाही आणि ह्यांना बरं मोबाईलवर चॅटिंग सुचतं ? ऑफिसमध्ये पण दिवसभर हेच करता की काय, देव जाणे.