8 नोव्हेंबर रोजी मध्य प्रदेशातील जबलपूर येथील तिलवारघाट पोलीस ठाण्यातील मेखला रिसॉर्टमध्ये एका मुलीचा मृतदेह आढळल्याने खळबळ उडाली होती. आता या हत्येचा व्हिडिओ समोर आला आहे. ज्यामध्ये मृत तरुणीचा प्रियकर दिसत असून तिचा गळा चिरल्यानंतर तो हा फसवणूक केल्याचा परिणाम असल्याचे सांगत आहे.पोलीस आरोपीचा शोध घेत असून त्याला पकडण्यासाठी ठिकठिकाणी छापे टाकण्यात येत आहेत. मध्यप्रदेश पोलिसांनी आरोपींना लाखो रुपयांचे बक्षीसही जाहीर केले आहे, मात्र अद्यापही आरोपी पकडला गेला नाही.
मंगळवारी जबलपूर शहरातील तिलवाडा पोलीस स्टेशन हद्दीतील मेखला रिसॉर्टमध्ये एका मुलीचा रक्ताने माखलेला मृतदेह आढळून आला होता. क्षिप्रा झारीया असे या मयत तरुणीचे नाव आहे. ही तरुणी तिचा प्रियकर अभिजीत पाटीदारसह रिसॉर्ट मध्ये आली होती. खुनाचा संशय तिच्या प्रियकरावरही होता कारण दोघेही खोलीत एकत्र गेले होते मात्र त्यानंतर तो तरुण खोली बंद करून निघून गेला.
बराच वेळ ती मुलगी ना तिच्या खोलीतून बाहेर आली ना तिने काही खाण्याची ऑर्डर दिली. त्यामुळे रिसॉर्टच्या कर्मचाऱ्यांना काहीतरी गडबड असल्याचा संशय आल्याने पोलिसांना याची माहिती देण्यात आली. पोलिसांनी घटनास्थळी पोहोचून चावीने खोलीचा दरवाजा उघडला असता आतमध्ये मुलीचा मृतदेह रक्ताच्या थारोळ्यात पडला होता.
शुक्रवारी सकाळी सोशल मीडियावर एक व्हिडीओ व्हायरल झाला ज्यामध्ये मृत मुलगी बेडवर रक्ताच्या थारोळ्यात पडली आहे आणि आरोपी प्रियकर हात्याची फसवणूक करण्याचा परिणाम असल्याचे रागाने म्हणताना दिसत आहे. व्हिडिओमध्ये मुलगी शेवटचा श्वास घेताना दिसत आहे पलंगावर सर्वत्र रक्त सांडले आहे. घटनेनंतर आरोपी प्रियकर अभिजीत पाटीदार फरार आहे. दरम्यान, हा व्हिडिओ व्हायरल झाल्यानंतर पोलिसांनी त्यांचा शोध सुरू केला आहे.
प्रेयसीच्या हत्येनंतर फरार झालेला आरोपी अभिजीत पाटीदार त्याच्या इन्स्टाग्राम आयडीवरून मध्य प्रदेश पोलिसांना सतत आव्हान देताना दिसत आहे. याशिवाय आरोपीने मृताच्या आयडीसह अनेक पोस्टही शेअर केल्या आहेत. गुन्हा केल्याच्या दुसर्‍याच दिवशी त्याने सोशल मीडियावर लिहिले की, “माझं तुझ्यावर प्रेम आहे बाबू, तुला स्वर्गात भेटू… सॉरी बाबू.”
