धावत्या कारच्या छतावर बसून बिअर पिऊन पुशअप्स, व्हिडिओ व्हायरल

आजकाल लोक सोशल मीडियावर व्हायरल होण्यासाठी रील बनवत आहेत. रील बनवताना ते अनेकदा नियम-कायदेही धुडकावून लावताना दिसतात. रील बनवण्याच्या प्रक्रियेत लोक जीवाची पर्वा न करता भरधाव वेगाने रस्त्यावर गाडी चालवताना स्टंटबाजी करतात.

असाच एक प्रकार गुरुग्राममधून समोर आला आहे, जिथे सोशल मीडियावर दोन व्हिडिओ व्हायरल झाले आहेत. व्हायरल झालेल्या व्हिडिओनुसार, एक व्यक्ती पांढऱ्या मारुती अल्टो कारच्या छतावर बसून बिअर पीत आहे, पुश-अप करत आहे तसेच डान्स करताना दिसत आहे. दरम्यान त्याचे मित्र खिडकीतून बाहेर बघत आहेत.

चालत्या कारवर पुश-अप करतानाचा त्याचा व्हिडिओ समोर आल्यानंतर गुरुग्राम पोलिसांनी या प्रकरणाची दखल घेतली आणि गुन्हा नोंदवला आणि एका व्यक्तीला ताब्यात घेतले. त्याच वेळी इतर तरुणांचा शोध घेतला जात आहे. तसेच या प्रकरणी पोलिसांनी कारच्या मालकाला 6,500 रुपयांचा दंड ठोठावला आहे. मात्र हा व्हिडिओ कधीचा आहे हे कळू शकलेले नाही.

मिळालेल्या माहितीनुसार, या घटनेचे दोन व्हिडिओ सोशल मीडियावर व्हायरल झाले आहेत. पहिल्या व्हिडिओमध्ये एक व्यक्ती चालत्या अल्टो कारमधून बाहेर पडताना दिसत आहे. एवढेच नाही तर तो बाहेर येऊन गाडीच्या छतावर बसतो. त्याच्या हातात दारूची बाटली आहे. तो गाडीच्या छतावर बसून दारू पितो आणि खूप आवाज करतो.

व्हिडिओ व्हायरल झाल्यानंतर पोलिसांनी त्याची दखल घेत कार चालकावर कारवाई केली. प्रदीप दुबे नावाच्या एका ट्विटर यूजरने हा व्हिडिओ आपल्या ट्विटर हँडलवरून शेअर केला आहे.