दिल्लीचे मुख्यमंत्री अरविंद केजरीवाल यांना सीबीआयने चौकशीसाठी समन्स बजावले आहे. दिल्ली सरकारने मद्य विक्री धोरणात घेतलेल्या निर्णयात घोटाळा झाल्याचा आरोप आहे.
या प्रकरणी दिल्लीचे माजी उपमुख्यमंत्री मनीष सिसोदिया यांना आधीच अटक करण्यात आली आहे. त्यानंतर आता सीबीआयने मुख्यमंत्री अरविंद केजरीवाल यांना चौकशीसाठी समन्स बजावले आहे.
केजरीवाल यांची 16 एप्रिल रोजी चौकशी होणार असल्याचं एबीपी माझाने आपल्या बातमीत म्हटलं आहे.
सीबीआयच्या समन्सनंतर आम आदमी पक्षाचे नेते संजय सिंह अत्याचाराचा अंत नक्कीच होणार असं ट्वीट करत भाजपवर निशाणा साधला आहे.
2020-21 मध्ये दिल्लीतल्या मद्य धोरणात दिल्ली सरकारने बदल केला होता. काही ठराविक कंत्राटदारांनाच त्यात फायदा मिळवून दिल्याचा आरोप आहे.
Published By -Smita Joshi