आसामच्या तेजपूरमधून नियमित सरावासाठी गेलेले हवाई दलाचं सुखोई-30 हे विमान बेपत्ता झालं आहे. चीनच्या सीमारेषेवर हे विमान बेपत्ता झाले असून विमानाचा युद्धपातळीवर शोध घेण्यात येत आहे. तेजपूरपासून 60 किमी अंतरावर असताना विमानाचा रडारशी संपर्क तुटला. या विमानात दोन पायलट आहेत. विमानाचा अपघात झाला असावा, अशी शक्यताही हवाई दलाने वर्तवली आहे. रशियातून खरेदी केलेलं सुखोई विमान हवाई दलाचं महत्त्वाच्या लढाऊ विमानांपैकी आहे. एका अहवालानुसार, मागील सात वर्षात 7 सुखोई विमानांचा अपघात झाला आहे.