पुणे पोर्श कार अपघातापूर्वी श्रीमंत मुलाने ने 90 मिनिटांत 48 हजार रुपयांचे मद्यप्राशन केले

Pune Porsche Accident : पुण्यातील कार अपघातानंतर अनेक धक्कादायक खुलासे समोर येत आहे. या प्रकरणात अल्पवयीन आरोपीला अपघातांवर निबंध लिहायला लावला आणि त्यानंतर त्याला जामीन देण्यात आला. या नंतर मुलाचे  वडील विशाल अग्रवाल यांना अटक करण्यात आली. या नंतर त्याचे आजोबा सुरेंद्र अग्रवाल यांचे अंडरवर्ल्डशी संबंध असल्याचे समोर आले. 

48 हजाराचे मद्यप्राशन केले : पुणे आयुक्तांनी सांगितले की, आरोपी 18 मे रोजी रात्री आरोपी कोजी पबमध्ये गेला होता. तेथे त्याने  90 मिनिटांत 48 हजार रुपयांचे बिल भरले. तो दारू पितानाचे सीसीटीव्ही फुटेज समोर आले होते. रात्री दोन वाजण्याच्या सुमारास हा अपघात झाला. पोलिसांनी सांगितले की, अपघाताच्या वेळी 17 वर्षीय आरोपी दारूच्या नशेत होता. त्यावेळी कारचा वेग ताशी 200 किमीपेक्षा जास्त होता. मध्य प्रदेशातील अश्विनी कोष्ठा  आणि अनिश अवधिया या दोन अभियंत्यांना धडक दिली.  या मुळे यामुळे दोघांचा मृत्यू झाला.

निबंध लिहिल्यानंतर सोडण्यात आले: अपघातानंतर त्याला 15 तासांच्या आत नाममात्र अटींवर जामीन मंजूर करण्यात आला. जेजे बोर्डाने त्यांना रस्ते अपघातांवर 300 शब्दांचा निबंध लिहिण्यास सांगितले होते. मात्र लोकांमध्ये संताप पसरला. बाल न्याय मंडळाने नंतर आदेशात बदल केला आणि त्याला प्रौढ म्हणून खटला चालवण्याची परवानगी देण्याच्या पोलिस याचिकेवर निर्णय होईपर्यंत त्याला बालगृहात पाठवले.

ड्रायव्हरला नजरकैदेत: एक बातमी अशीही समोर आली होती की, अपघाताच्या वेळी त्यांच्या कुटुंबाचा ड्रायव्हर गाडी चालवत होता, असा दावा कुटुंबीयांनी केला होता. ड्रायव्हरनेही असेच विधान केले होते, मात्र नंतर चालकाने आपले विधान बदलले. मात्र आरोपी मुलाचे वडील विशाल अग्रवाल याच्या कुटुंबीयांनी चालकाला पोलिसांकडून सोडवून आणू, असे सांगितले होते, मात्र चालकाने ते मान्य केले नाही. त्यानंतर अग्रवाल कुटुंबीयांनी ड्रायव्हरला नजरकैदेत ठेवल्याचेही वृत्त आले.

Edited by - Priya Dixit