बलात्कार करणाऱ्याला आमच्या ताब्यात द्या,आम्ही त्याचा चौरंगा करु’, मनसेच्या रूपाली पाटील आक्रमक

परिसरात घडलेल्या अत्यंत अमानुष अशा प्रकाराने समाजमन हादरुन गेले आहे. एका विकृत परप्रांतीयाने 32 वर्षाच्या महिलेवर पाशवी बलात्कार करीत निर्दयपणे मारहाण करुन तिची हत्या केली.तिच्या गुप्तांगावर गंभीर जखमा झाल्याने 33 तासांच्या उपचारानंतर तिचा दुर्दैवी मृत्यू झाला. यानंतर विरोधी पक्षांनी ठाकरे सरकारला धारेवर धरले आहे.पुणे मनसेच्या नेत्या रुपाली पाटील-ठोंबरे  यांनी ठाकरे सरकारवर हल्ला चढवला आहे. मुंबईतील घडलेल्या घटनेनंतर पुण्यातील मनसे आक्रमक झाली आहे.

पुण्यातील मनसे नेत्या रुपाली पाटील-ठोंबरे यांनी फेसबुकद्वारे राज्य सरकारवर हल्ला चढवला आहे. सरकारला बलात्कार करणाऱ्यावर कारवाई करता येत नसेल, तर त्याला आमच्या ताब्यात द्या, आम्ही त्याचा चौरंगा करु असे म्हणत इथं न्याय होणारच,असं रुपाली पाटील यांनी म्हटले आहे.

महाराष्ट्रात मागील काही दिवसांपासून महिलांवरील अत्याचाराच्या घटना सातत्याने घडत आहेत. पश्चिम उपनगरात साकीनाका परिसरात घडलेल्या अत्यंत अमानूष अशा प्रकाराने समाजमन हादरुन गेले आहे.एका विकृत परप्रांतियाने महिलेवर पाशवी बलात्कार करुन तिची निर्दयपणे मारहाण करुन हत्या केली.

महिलेच्या गुप्तांगावर गंभीर जखमी झाल्याने महिलेची मृत्यूशी सुरु असलेली झुंज सुमारे 33 तासानंतर अपयशी ठरली. राजावाडी रुग्णालयात उपचार सुरु असताना शनिवारी दुपारी बाराच्या सुमारास तिचा दुर्दैवी मृत्यू झाला. माणुसकीला काळीमा फासणाऱ्या या घटनेमुळे संपूर्ण संताप व्यक्त करण्यात येत आहे. याप्रकरणातील नराधमाला पोलिसांनी अटक केली असून मोहन चौहान असे या क्रूरकर्म्याचे नाव आहे.तो मुळचा उत्तर प्रदेशातील जौनपूरचा आहे. त्याला न्यायालयाने 10 दिवसांची पोलीस कोठडी सुनावली आहे.