पुण्यातील कोरोनाबाधितांची संख्या दोन लाखाच्या वर गेली आहे. त्यामुळे आता पुणे हा देशातील सर्वाधिक रुग्णसंख्या असलेला पहिला जिल्हा ठरला आहे. महाराष्ट्र सरकार आरोग्य विभागाच्या आकडेवारीनुसार पुणे जिल्ह्यात तब्बल २ लाख ३ हजार ४६८ कोरोनाबाधित रुग्णांची नोंद झाली आहे. सोमवारी ४ हजार १६५ रुग्णांची कोरोना चाचणी केल्यानंतर पुणे शहरांनी २ लाखांचा टप्पा पार केला आहे.
पुणे शहरात एका महिन्यात कोरोनाबाधितांची संख्या दुपटीने वाढली असून ऑगस्ट महिन्यात कोरोनाबाधित रुग्णांची संख्या १ लाख होती. तर आता कोरोनाबाधित रुग्णांनी २ लाखांचा टप्पा पार केला असून याचे मुख्य कारण म्हणजे वाढत्या चाचण्या असल्याचे अधिकाऱ्यांनी सांगितले आहे.