अंमलबजावणी संचालनालय (ईडी)भ्रष्टाचाराच्या प्रकरणात असलेले महाराष्ट्रचे माजी गृहराज्यमंत्री अनिल देशमुख यांच्यावरील पकड घट्ट करीत आहे. ईडीकडे आता अनिल देशमुख आणि त्याच्या कुटुंबाची सुमारे 4.20 कोटींची संपत्ती आहे. संलग्न केलेल्या मालमत्तांपैकी 1.54 कोटी रुपयांचा निवासी फ्लॅट आहे. हा फ्लॅट वरळी येथे आहे.
त्याचबरोबर रायगडमध्येही त्यांची 2.67 कोटी रुपयांची जमीन जप्त केली गेली आहे. ईडीने ही कारवाई आयपीसी 1860 च्या कलम 120-बी आणि पीएम कायदा 1988 च्या कलम 7 अंतर्गत केली आहे. देशमुख यांच्यावर उच्च पदावर असताना त्यांचा चुकीच्या पद्धतीने फायदा घेण्याचा प्रयत्न केल्याचा आरोप आहे.
अंमलबजावणी संचालनालयाने तीन वेळा समन्स बजावूनही 72 वर्षीय अनिल देशमुख अद्याप तपास यंत्रणेसमोर हजर झाले नाहीत. इतकेच नव्हे तर केंद्रीय एजन्सीने अनिल देशमुख यांचा मुलगा ऋषिकेश आणि पत्नीलाही समन्स बजावले होते पण त्यांनीही त्यांचे निवेदन नोंदवले नाही.महाराष्ट्र पोलिसांशी संबंधित 100 कोटींच्या लाच-वसुली प्रकरणात पीएमएलए अंतर्गत दाखल केलेल्या एका प्रकरणात हे समन्स बजावण्यात आले. या खटल्यामुळे देशमुख यांना यावर्षी एप्रिलमध्ये आपल्या पदाचा राजीनामा द्यावा लागला.
देशमुख यांचे वकील कमलेश घुमरे यांनी नुकतेच म्हटले होते की अनिल देशमुख असे मानतात की त्यांच्या विरूद्धची ईडी चौकशी न्यायसंगत नाही. त्यामुळे ते ईडीसमोर हजर होत नाही. घुमरे यांनी बुधवारी सांगितले की, 'माझ्या माहितीप्रमाणे आरती देशमुख ह्या एक घरंदाज महिला आहे.या प्रकरणाशी त्यांचा काही संबंध नाही. या वर्षाच्या सुरुवातीला मुंबईचे माजी पोलिस आयुक्त परमबीर सिंग यांच्या तक्रारीवरून सीबीआय आणि ईडीने भ्रष्टाचाराच्या आरोपावरून देशमुख यांच्या विरोधात गुन्हा दाखल केला होता. सिंग यांनी आपल्या तक्रारीत देशमुख यांना किमान 100 कोटी रुपयांची लाच घेतल्याचा आरोप केला होता.