पुण्यात उशिरापर्यंत 'बार' सुरू,8 जणांना अटक, 4 पोलिस कर्मचारीही निलंबित

पुण्यातील फर्ग्युसन कॉलेज रोडवरील एक बार निर्धारित वेळेपेक्षा उशिरापर्यत उघडे असल्याचे आढळून आले या बारचा व्हिडीओ व्हायरल झाल्यावर 8 जणांना अटक करण्यात आली असून चार पोलिसांना निलंबित करण्यात आले आहे. 

फर्ग्युसन कॉलेज रोड वरील एका बारचा व्हिडीओ सोशल मीडियावर व्हायरल झाला होता. या व्हिडीओ मध्ये काही तरुण अमली पदार्थाचे सेवन करताना आढळले.नंतर पोलिसांनी तपास केला. सोमवारी दुपारी काही संघटनेच्या सदस्यांनी या बारवर दगडफेक केली. काही दृश्ये सोशल मीडियावर व्हायरल झाली आहे. 

पोलिसांनी दिलेल्या माहितीनुसार, हा बार रविवारी पहाटे 5 वाजे पर्यंत सुरु होता. निर्धारित वेळेपेक्षा हा बार सुरु असून त्यात दारूविक्री सुरु होती. पुण्यात बार आणि पब रात्री 1:30 पर्यंत सुरु ठेव्याची मुदत आहे. पुण्याचे पोलीस आयुक्त अमितेश कुमार म्हणाले, आम्ही बार चे मालक आणि कर्मचाऱ्यांसह आठ जणांना अटक केली आहे.

रविवारी हे बार निर्धारित वेळेपेक्षा उघडे दिसले. ते म्हणाले, अटक केलेल्या लोकांविरुद्ध भारतीय दंड संहितेच्या कलम 188 आणि महाराष्ट्र पोलीस कायदा महाराष्ट्र दारूबंदी कायदा आणि सिगारेट आणि तंबाखू उत्पादने कायद्याचा संबंधित कलमांखाली गुन्हा दाखल करण्यात आला आहे. 

या प्रकरणी नाईट ड्युटी करणाऱ्या शिवाजीनगर पोलिस ठाण्यातील एक निरीक्षक, एक सहायक निरीक्षक आणि दोन बीट मार्शल यांना निलंबित करण्यात आल्याचे अधिकाऱ्याने सांगितले. बारमध्ये काही लोक ड्रग्जसदृश वस्तूंसोबत दाखवत असलेल्या व्हिडिओबद्दल विचारले असता, आणखी एका पोलिस अधिकाऱ्याने सांगितले की ते याचा तपास करत आहेत. 

पुण्याचे खासदार आणि केंद्रीय मंत्री मुरलीधर मोहोळ यांनी सोशल मीडिया प्लॅटफॉर्मवर केलेल्या पोस्टमध्ये स्वतंत्र टीम तैनात करण्याच्या सूचनाही देण्यात आल्या आहेत. ते म्हणाले, "सर्व महाविद्यालये, पब, हॉटेल आणि सर्व संशयास्पद ठिकाणे यांची काटेकोरपणे झडती घेण्यात यावी. शहरात अमली पदार्थ कसे उपलब्ध आहेत, याच्या मुळाशी जाण्याचे निर्देश पोलिसांना देण्यात आले आहेत.

Edited by - Priya Dixit