सागंली जिल्ह्यातील मिरजेत पोलिसभरती व आर्मी भरतीच्या सराव करण्यासाठी गेलेल्या तरुणाच्या अंगावर वडाच्या झाडाची फांदी पडून तरुणाचा जागीच मृत्यू झाल्याची घटना घडलीय. हर्षवर्धन विजय कदम (वय 20) असे या तरूणाचे नाव आहे.
मिरजेत सायंकाळी वादळी वाऱ्याने पावसाला सुरुवात झाली होती. मिरज शासकीय रुग्णालयाच्या ग्राउंड वर पोलिसभरती व आर्मी भरतीच्या सराव करण्यासाठी गेलेल्या तरुणाच्या अंगावर वडाच्या झाडाची फांदी पडून तरुण जागीच ठार झाला आहे.
नेहमी प्रमाणे मिरज शासकीय महाविद्यालय ग्राउंडवर भरतीचा सरावासाठी हर्षवर्धन गेला होता. वादळी वारा सुटून पावसाला सुरुवात झाल्याने वडाच्या झाडाखाली कंपाउंड भिंतीवर बसला होता यावेळी मोठी झाडाची फांदी हर्षवर्धन कदम यांच्या अंगावर पडल्याने जागीच ठार झाला. हर्षवर्धनचा मृतदेह फांदी खाली अडल्याने त्याला बाहेर काढणे अश्यक्य झाले होते. अग्निशमन दलाला या घटनेची माहिती देऊन तात्काळ घटनास्थळी बोलावून घेण्यात आले. कटरच्या साहाय्याने फांदी कट करून मृतदेह बाहेर काढण्यात आला.