Mumbai News: आज महापरिनिर्वाण दिनानिमित्त नेत्यांनी डॉ. बाबासाहेब आंबेडकर यांना आदरांजली वाहिली. शुक्रवारी महाराष्ट्राचे मुख्यमंत्री देवेंद्र फडणवीस, उपमुख्यमंत्री एकनाथ शिंदे अजित पवार यांनी 69 व्या महापरिनिर्वाण दिनानिमित्त डॉ. बाबासाहेब आंबेडकर यांना आदरांजली वाहण्यासाठी शिवाजी पार्कवर पोहोचले.
मिळालेल्या माहितीनुसार 69 व्या महापरिनिर्वाण दिनानिमित्त महाराष्ट्राचे मुख्यमंत्री देवेंद्र फडणवीस, उपमुख्यमंत्री एकनाथ शिंदे, अजित पवार यांच्यासह महाराष्ट्राचे राज्यपाल सीपी राधाकृष्णन आणि इतर नेत्यांनी डॉ बीआर आंबेडकर यांना आदरांजली वाहिली. मुंबईत, महाराष्ट्राचे मुख्यमंत्री देवेंद्र फडणवीस यांनी 69 व्या महापरिनिर्वाण दिनानिमित्त डॉ. बाबासाहेब आंबेडकर यांना श्रद्धांजली अर्पण केल्यानंतर शिवाजी पार्क येथे एका मेळाव्याला संबोधित केले आणि भारताच्या संविधानाचे वर्णन केले. महाराष्ट्राचे मुख्यमंत्री देवेंद्र फडणवीस म्हणाले, “आपला देश झपाट्याने प्रगती करत आहे, हे सर्वांना माहीत आहे. आज भारत ही जगातील पाचवी सर्वात मोठी अर्थव्यवस्था आहे आणि सर्वात चांगली गोष्ट म्हणजे ती तिसरी सर्वात मोठी अर्थव्यवस्था बनण्याच्या दिशेने काम करत आहे. ही सर्वात सुंदर गोष्ट म्हणजे भारतीय राज्यघटना होय. राज्यघटनेचे महत्त्व सांगताना ते म्हणाले की, जगात कोणते सर्वोत्तम संविधान असेल तर ते भारताचे आहे. कारण देशातील अडचणी कितीही असोत, त्या सर्वांचे उत्तर आपल्या राज्यघटनेत सापडते. बाबासाहेबांनी सर्व विषयांचा अभ्यास केला होता आणि हे घटनेत दिसून येते. बाबासाहेबांचे ऋण आपण कधीच फेडू शकत नाही. आम्ही जे काही करू ते संविधानानुसार करू असे देखील ते म्हणाले.