औरंगाबाद जिल्ह्यात राज ठाकरेंच्या सभेला अनेक संघटनांनी विरोध नोंदवला आहे . ज्यामध्ये रिपब्लिकन पार्टी ऑफ इंडिया (खरात गट) राष्ट्रवादी काँग्रेस अल्पसंख्यांक विभाग, ऑल इंडिया पँथर सेना, वंचित बहुजन आघाडी, प्रहार जनशक्ती पक्ष आणि GAC संघटनांनी विरोध दर्शवला आहे. अशा अनेक संघटनांनी पोलीस आयुक्तांची भेट घेऊन यासंदर्भात निवेदन दिले आहे. राज ठाकरेंच्या सभेमुळे शहरातील वातावरण बिघडू शकते, असे या संघटनांचे म्हणणे आहे. त्यामुळे या सभेला परवानगी देऊ नये. राज ठाकरे यांनी राज्यातील मशिदींवरील लाऊडस्पीकर 3 मे पर्यंत हटवण्याचा अल्टिमेटम दिला आहे.
मनसेने पोलिसांना दिले निवेदन
यादरम्यान मनसेच्या पदाधिकाऱ्यांनी मंगळवारी औरंगाबाद शहर पोलिस आयुक्त डॉ.निखिल गुप्ता यांची भेट घेतली. मराठवाडा सांस्कृतिक मंडळाच्या मैदानावर होणाऱ्या या सभेला सुमारे एक लाख लोक येण्याची शक्यता त्यांनी व्यक्त केली आहे. त्यामुळे दुपारी साडेचार ते रात्री नऊ वाजेपर्यंत परवानगी देण्याची मागणी मनसेकडून करण्यात आली आहे. मनसेच्या अधिकाऱ्यांचे म्हणणे ऐकून घेतल्यानंतर पोलिस आयुक्तांनी सर्वप्रथम सार्वजनिक बांधकाम विभाग, अग्निशमन दल, विद्युत विभाग आणि अन्य संबंधित विभागांची परवानगी घेण्यास सांगितले आहे.
महाराष्ट्रात लाऊडस्पीकरच्या राजकारणावरून ठाकरे सरकार आणि महाराष्ट्र नवनिर्माण सेनेमध्ये आधीच संघर्ष सुरू आहे. आता भाजपचा मित्रपक्ष रिपब्लिकन पार्टी ऑफ इंडियाचे प्रमुख रामदास आठवलेही या लढाईत उतरले आहेत.
महाराष्ट्रात लाऊडस्पीकरचे राजकारण होता कामा नये, असे सांगितले. मशिदीत अनेक वर्षांपासून लाऊडस्पीकर लावण्यात आले आहेत. लाऊडस्पीकरचे काय करावे? मुस्लिम समाज याचा विचार करू शकतो. एका धर्माच्या लोकांनी दुसऱ्या धर्माचा आदर केला पाहिजे असे मला वाटते.
आठवले म्हणाले, नवरात्री आणि इतर सणांमध्येही लाऊडस्पीकर वाजवले जातात. मशिदीवरील लाऊडस्पीकर हटवण्याच्या राज ठाकरेंच्या भूमिकेला आमचा तीव्र विरोध आहे. राज ठाकरेंना मंदिरातही लाऊडस्पीकर लावायचे असतील तर ते लावू शकतात. मशिदीतील लाऊडस्पीकर बाहेर काढल्यास रिपब्लिकन पक्ष त्याला कडाडून विरोध करेल.