नागपूर-मुंबई समृद्धी महामार्गावर भीषण कार अपघात, तीन ठार, तीन गंभीर जखमी

Maharashtra News :  महाराष्ट्रातील नाशिक जिल्ह्यातील इगतपुरीजवळ झालेल्या अपघातात 3 जणांना मृत्यू झाला आहे. नागपूर-मुंबई समृद्धी महामार्गावर आज इगतपुरीजवळ भीषण कार अपघात झाला, त्यात तीन जण ठार तर तीन जण जखमी झाले. जखमींना उपचारासाठी जवळच्या रुग्णालयात दाखल करण्यात आले आहे. शिर्डीहून पिंपरीकडे जाणाऱ्या मारुती स्विफ्ट कारचे नियंत्रण सुटून दुभाजकावर आदळल्याने हा अपघात झाला.

मिळालेल्या  माहितीनुसार त्यानंतर कार विरुद्ध लेनमध्ये जाऊन दुसऱ्या वाहनाला धडकली. कारचा वेग जास्त असल्याने हा अपघात इतका भीषण झाला की कारचे पूर्ण नुकसान झाले. अपघाताची माहिती मिळताच वाहतूक आणि स्थानिक पोलीस घटनास्थळी पोहोचून पंचनामा केला. मृतांचे मृतदेह पोस्टमोर्टमसाठी शासकीय रुग्णालयात पाठवण्यात आले, तर जखमींना उपचारासाठी खासगी रुग्णालयात दाखल करण्यात आले आहे. समृद्धी महामार्ग हा महामार्ग प्रवाशांच्या सोयीचे तर ठरला आहेच पण त्याचबरोबर तो प्रवाशांसाठी संकटाचाही ठरला आहे. समृद्धी महामार्ग तयार झाल्यापासून या महामार्गावर अनेक अपघात झाले आहे. या अपघातांमध्ये आतापर्यंत अनेकांना आपला जीव गमवावा लागला आहे.

Edited by- Dhanashri Naik