IND vs NZ Hockey: शेवटच्या साखळी सामन्यात भारताचा न्यूझीलंड कडून पराभव

भारतीय महिला हॉकी संघाला विश्वचषकातील तिसऱ्या सामन्यात न्यूझीलंडकडून पराभव पत्करावा लागला. गुरुवारी नेदरलँड्समधील अॅमस्टेलवेन येथे खेळल्या गेलेल्या सामन्यात न्यूझीलंडने 4-3 असा विजय मिळवला. अशाप्रकारे टीम इंडिया ब गटातील एकही सामना जिंकू शकली नाही. याआधी इंग्लंड आणि चीनविरुद्धच्या सामन्यात भारतीय संघाला केवळ एकच बरोबरी साधता आली होती. दोन्ही सामन्यात स्कोअर 1-1 असा होता.

उपांत्यपूर्व फेरीत प्रवेश करण्यासाठी भारताला हा सामना कोणत्याही किंमतीत जिंकणे आवश्यक होते, परंतु तसे झाले नाही. आता टीम इंडिया उपांत्यपूर्व फेरी गाठण्यासाठी क्रॉसओव्हर सामना खेळणार आहे. क्रॉसओव्हर सामने स्पेनमध्ये खेळवले जातील. क्रॉसओव्हरमध्ये भारताचा सामना यजमान स्पेन किंवा दक्षिण कोरियाशी होणार आहे.

स्पर्धेच्या स्वरूपानुसार, 16 संघांना प्रत्येकी चार संघांच्या चार गटांमध्ये विभागले गेले आहे. प्रत्येक पूलमधील अव्वल संघ थेट उपांत्यपूर्व फेरीत पोहोचेल तर दुसऱ्या आणि तिसऱ्या स्थानावर असलेले संघ क्रॉसओव्हर होतील.

क्रॉसओव्हरमध्ये, पूल ए मध्ये दुसऱ्या स्थानावर असलेल्या संघाचा सामना डी पूलमध्ये तिसऱ्या स्थानावर असलेल्या संघाशी होईल, तर पूल अ मध्ये तिसऱ्या स्थानावर असलेल्या संघाचा सामना डी पूलमध्ये दुसऱ्या स्थानावर असलेल्या संघाशी होईल.

त्याचप्रमाणे ब गटात दुसऱ्या स्थानावर असलेल्या संघाचा सामना क गटातील तिसऱ्या स्थानावरील संघाशी होईल. तर पूल ब मध्ये तिसऱ्या क्रमांकावर असलेला संघ पूल सी मध्ये दुसऱ्या स्थानावर असलेल्या संघाशी खेळेल. या चार सामन्यांतील विजेते उपांत्यपूर्व फेरीत प्रवेश करतील.