भारतीय तिरंदाजी संघटना (AAI) या महिन्याच्या अखेरीस राष्ट्रीय राजधानी दिल्लीत आशियाई पॅरा तिरंदाजी चॅम्पियनशिप-2022 (Para Asian Archery Championship) आयोजित करणार आहे. भारतीय तिरंदाजी महासंघ पहिल्यांदाच आशियाई पॅरा आर्चरी चॅम्पियनशिप-2022 चे आयोजन करणार आहे. भारतीय क्रीडा प्राधिकरणाने (SAI) या स्पर्धेचे यशस्वी आयोजन केल्याबद्दल भारतीय तिरंदाजी संघटनेला एक कोटी रुपये देण्याचा निर्णय घेतला आहे. आशियाई पॅरा आर्चरी चॅम्पियनशिप 2022 चे आयोजन 31 मे ते 6 जून दरम्यान यमुना स्पोर्ट्स कॉम्प्लेक्स, दिल्ली येथे केले जाईल.
आशियाई पॅरा आर्चरी चॅम्पियनशिप-2022 31 मे पासून देशाची राजधानी दिल्लीत सुरू होत आहे. दिव्यांग तिरंदाज तनिष्का ही दिल्लीतून निवडलेली एकमेव खेळाडू आहे, जी या स्पर्धेत भारताचे प्रतिनिधित्व करेल. जवाहरलाल नेहरू स्टेडियमवर आशियाई पॅरा तिरंदाजी चॅम्पियनशिप-2022 साठी खेळल्या गेलेल्या चार दिवसीय स्पर्धेत तिच्या उत्कृष्ट कामगिरीच्या जोरावर तनिष्काची भारतीय पॅरा तिरंदाजी संघाच्या कंपाउंड ब श्रेणीमध्ये निवड झाली.