'भीमा-कोरेगाव शौर्य दिन प्रेरणा अभियान' यांची एल्गार परिषद 30 जानेवारी रोजी होणार असून त्याविषयीची माहिती देणारं परिपत्रक प्रसिद्ध करण्यात आले आहे.
एल्गार परिषदेत लेखक अरुंधती रॉय, माजी आयएएस अधिकारी कन्नन गोपीनाथन, राजा वेमूला हे प्रमुख वक्ते असणार आहेत. इंडियन एक्सप्रेसने हे वृत्त दिले आहे.
यापूर्वी 31 डिसेंबर 2019 रोजी होणाऱ्या एल्गार परिषदेसाठी पुणे पोलिसांनी परवानगी नाकारली होती. कायदा-सुव्यवस्था आणि कोरोनाच्या पार्श्वभूमीवर ही परवानगी नाकारण्यात आली होती.
आता हीच एल्गार परिषद 30 जानेवारी रोजी घेण्याचे नियोजन आयोजकांनी केले आहे. यादिवशी रोहित वेमुला यांचा जन्मदिवस आहे.