Amitabh Bachchan Wedding Anniversary बॉलिवूड मेगास्टार अमिताभ बच्चन आणि जया बच्चन यांच्या लग्नाला 50 वर्षे पूर्ण झाली आहेत. दोघेही 3 जून 1973 रोजी विवाहबंधनात अडकले. 'गुड्डी'च्या सेटवर अमिताभ आणि जया यांची मैत्री झाली. केबीसीच्या सेटवर अमिताभ यांनी त्यांच्या लग्नाबाबत एक गुपित उघडले होते.
अमिताभ बच्चन यांनी सांगितले जया भादुरीशी लग्न का केले? शोमधील एक व्हिडिओ समोर आला आहे, ज्यामध्ये अमिताभ अभिनेत्री जया भादुरीसोबतच्या लग्नामागील सुंदर कारण सांगताना दिसत आहेत. व्हिडिओमध्ये अमिताभ प्रथम स्पर्धक प्रियंका महर्षींचे तिच्या लांब रेशमी केसांसाठी कौतुक करतात.
यानंतर ते म्हणतात देवीजी तुमचे केस खूप सुंदर आहेत. अमिताभ स्पर्धकांना त्यांचे लांब आणि दाट केस दाखवण्यास सांगतात. मग ते म्हणतात 'आम्ही आमच्या पत्नीशी लग्न केल्याचे एक कारण म्हणजे तिचे केस खूप लांब होते.'
अमिताभ बच्चन आणि जया यांची पहिली भेट 1971 मध्ये 'गुड्डी' चित्रपटाच्या सेटवर झाली होती. दोघांनी जंजीर, अभिमान, चुपके चुपके, शोले आणि कभी खुशी कभी गममध्ये एकत्र काम केले आहे. अमिताभ आणि जया यांचा विवाह 1973 मध्ये झाला. दोघांना मुलगी श्वेता आणि मुलगा अभिषेक अशी दोन मुले आहेत.