महाराष्ट्र बोर्डाने 10वी (SSC) आणि 12वी (HSC) परीक्षांच्या तारखा जाहीर केल्या आहेत. महाराष्ट्र बोर्डाची दहावीची परीक्षा 15 मार्च 2022 ते 18 एप्रिल 2022 आणि 12वीची परीक्षा 4 मार्च 2022 ते 7 एप्रिल 2022 या कालावधीत होणार आहे. या परीक्षेच्या तारखा शिक्षणमंत्री वर्षा गायकवाड यांनी जाहीर केल्या. त्या म्हणाल्या की, परीक्षा ऑफलाइन पद्धतीने घेतल्या जातील.
वर्षा गायकवाड यांनी सांगितले की, 10वीची प्रात्यक्षिक/तोंडी परीक्षा 25 फेब्रुवारी ते 14 मार्च 2022 या कालावधीत आणि 12वीची प्रात्यक्षिक/तोंडी परीक्षा 14 फेब्रुवारी ते 3 मार्च 2022 या कालावधीत होणार आहे.
वर्षा गायकवाड म्हणाल्या, “बोर्ड परीक्षांच्या तारखा आणि पद्धतीबाबत विद्यार्थी आणि पालकांकडून अनेक प्रश्न येत होते. अशा परिस्थितीत, आम्ही हे स्पष्ट करू इच्छितो की परीक्षा ऑफलाइन पद्धतीनेच घेतली जाईल. शाळांना त्यांचा अभ्यासक्रम पूर्ण करता यावा यासाठी या वेळी बोर्डाच्या परीक्षेचे वेळापत्रक मागील वर्षांच्या तुलनेत दोन आठवड्यांनी पुढे ढकलण्यात आले आहे.
या वर्षी जुलैमध्ये गायकवाड यांनी 10वी आणि 12वीच्या अभ्यासक्रमात 25 टक्के कपात करण्याची घोषणा केली होती.