Corona update: देशात सक्रिय रुग्णांची संख्या 60 हजारांच्या पुढे ,गेल्या 24 तासात कोरोनामुळे 27 रुग्णांचा मृत्यू

आज पुन्हा एकदा देशात कोरोनाचा कहर पाहायला मिळत आहे. अनेक राज्यांमध्ये रुग्णांची संख्या वाढल्याने मृत्यूची संख्याही वाढली आहे. गेल्या 24 तासात कोरोना संसर्गामुळे 27 जणांचा मृत्यू झाला आहे, तर आता देशात नवीन रुग्ण आढळल्यानंतर सक्रिय रुग्णांची संख्या 60 हजारांच्या पुढे गेली आहे. 

गेल्या 24 तासांत देशात कोरोनाचे 9,111 नवीन रुग्ण आढळले आहेत. यासोबतच ६३१३ रुग्ण बरे झाले आहेत. आता देशातील सक्रिय रुग्णांची संख्या 60,313 वर पोहोचली आहे. यापूर्वी रविवारी देशभरात कोरोनाचे 10,093 नवीन रुग्ण आढळले होते आणि 23 संक्रमित रुग्णांचा मृत्यू झाला होता त्यानंतर सक्रिय रुग्णांची संख्या 57,542 वर पोहोचली होती. सोमवारी आरोग्य मंत्रालयाने जारी केलेल्या आकडेवारीनुसार, आज 27 मृत्यू झाल्यानंतर देशभरात कोरोनामुळे मृतांची संख्या 5,31,141 वर पोहोचली आहे. 

गुजरातमध्ये 6, यूपीमध्ये 4, दिल्ली-राजस्थानमध्ये 3-3, महाराष्ट्रात 2, बिहार, छत्तीसगड, हिमाचल प्रदेश, झारखंड, केरळ आणि तामिळनाडूमध्ये 1-1 कोरोनाबाधितांचा मृत्यू झाला आहे. यासह, आता एकूण कोरोना रुग्णांची संख्या 4,48,27,226 झाली आहे. देशात कोरोनाचा संसर्ग दर 8.40 वर पोहोचला आहे, याशिवाय साप्ताहिक दर 4.94 वर आहे.   

Edited By- Priya Dixit