गोवा निवडणुकीसाठी काँग्रेसचा जाहीरनामा प्रसिद्ध

गोवा विधानसभा निवडणुकीसाठी काँग्रेसने जाहीरनामा प्रसिद्ध केला. ज्यात सरकार स्थापन झाल्यास खाणकाम सुरू करण्याचे आश्वासन देण्यात आले आहे. दरम्यान पक्षाचे ज्येष्ठ नेते पी चिदंबरम यांनी आश्वासन दिले की त्यांचा पक्ष सत्तेवर आल्यास किनारपट्टीच्या राज्यात खाणकाम पुन्हा सुरू होईल. काँग्रेसने प्रसिद्ध केलेल्या जाहीरनाम्यातील काही महत्त्वाच्या मुद्यांवर ते बोलत होते.

खाणकामांवर 2018 मध्ये सर्वोच्च न्यायालयाने बंदी घातली होती. काँग्रेसचे वरिष्ठ निवडणूक निरीक्षक चिदंबरम म्हणाले की राज्यासाठी समस्या संसाधन शोधण्याची नसून संसाधन वाटपाची आहे. ते म्हणाले की राज्याच्या अर्थसंकल्पासाठी सरकारचे स्वतःचे साधन केंद्र सरकारचा महसूल आणि केंद्र सरकारचे अनुदान असे 3 मार्ग आहेत.

चिदंबरम म्हणाले की निधीचा स्रोत कधीच अडचण नाही परंतु समस्या निधी वाटपाची आहे. जाहिरनाम्यामध्ये जे मुद्दे अधोरेखित करण्यात आले आहेत त्यात निधीचे वाटप समंजसपणे व विचारपूर्वक केल्यास 5 वर्षांत साध्य करता येईल, असे ते म्हणाले.

ते म्हणाले की गोवा आयटी आणि फार्मास्युटिकल हब झाल्यास संसाधने अनेक पटींनी वाढतील. पक्ष सत्तेवर आल्यास राज्यात खाणकाम पुन्हा सुरू केले जाईल, असे आश्वासन त्यांनी दिले.

ते म्हणाले की सर्वोच्च न्यायालयाच्या निर्णयानुसार आम्ही शाश्वत कायदेशीर खाणकाम सुरू करू शकतो.